అంగన్వాడి కేంద్రాల్లో పోషణ మాసం కార్యక్రమం-- సూపర్వైజర్ కే.విజయలక్ష్మి

నెల్లూరు రూరల్ మేజర్ న్యూస్:

9వ రాష్ట్రీయ పోషణ మాసం మహోత్సవాల కార్యక్రమంలో భాగంగా  నెల్లూరు అర్బన్ మరియు రూరల్  పరిధిలో మంగళవారం నాడు రంగనాయకులపేట సెక్టర్  పరిధిలోని ఉడ్ హౌస్ పేట 1,2 అంగన్వాడీ కేంద్రంలో  రంగనాయకులపేట సెక్టర్ సూపర్వైజర్ కే.విజయలక్ష్మి ఆధ్వర్యంలో  9వ రాష్ట్రీయ పోషణ మాసం మహోత్సవాల కార్యక్రమం నిర్వహించడం జరిగింది. ఈ కార్యక్రమంలో గర్భవతులు బాలింతలు పిల్లలు తల్లులు హాజరు కావడం జరిగింది. అలాగే వారికి తక్కువ ఖర్చుతో ఎక్కువ పోషక విలువలు కలిగిన ఆహారం తీసుకోమని మరియు గర్భవతులు బాలింతలు తాజా ఆకుకూరలు,  పండ్లు, గుడ్లు,పాలు, చిరుధాన్యాలతో కూడిన ఆహారం తప్పక రోజూ  తీసుకోవలసినదిగా తెలియజేయడం జరిగింది. అనంతరం అంగన్వాడి ఉత్సవాలు కార్యక్రమంలో భాగంగా ఫ్రీ స్కూల్ బిడ్డ తల్లిని సన్మానించడం జరిగింది.ఈ కార్యక్రమంలో అంగన్వాడీ కార్యకర్తలు  అరుణ కుమారి,అరుణ  అంగన్వాడీ హెల్పర్లు అనురాధ సుజాత మరియు గర్భవతులు తల్లులు పాల్గొనడం జరిగింది.