అపారిశుధ్యం నిర్మూళించే బాధ్యత గ్రామ కార్యదర్శులదే

• తుఫాను ప్రభావిత ప్రాంతాల్లో సూపర్ శానిటేషన్

 జిల్లా పంచాయతీ అధికారి మల్లిఖార్జునరావు

రామభద్రపురం, సెప్టెంబర్ 29(మేజర్ న్యూస్: గ్రామ పంచాయతీల్లో అపారిశుధ్యం నిర్మూళించే బాధ్యత గ్రామ కార్యదర లదేనని జిల్లా పంచాయతీ అధికారి డోలా వెంకట మల్లిఖార్జునరావు తెలిపారు. మండల పరిషత్ కార్యాలయంలో మంగళవారం గ్రామ కార్యదర్శులతో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ స్వచ్ఛ రథాలపై ప్రజలకు అవగాహన కల్పించి విస్తృతంగా ప్రచారం చేయాలన్నారు. అలాగే తడి, పొడి చెత్తను తీసుకొని తద్వారా డబ్ల్యుపిసి సెంటర్లను బలోపేతం చేయాలన్నారు. తద్వారా వర్మికంపోస్టును తయారు చేయాలని సూచించారు. అలాగే గ్రామ పంచాయతీల్లో పిజిఆర్ఎస్ ద్వారా వచ్చే వినతులను ఎప్పటికప్పుడు పూర్తి చేయాలని తెలిపారు. ఇటీవల తుఫాను కారణంగా గ్రామ పంచాయతీలో పారిశ ధ్యాన్ని మెరుగుపరిచేందుకు సూపర్ శానిటేషన్ కార్యక్రమాన్ని జిల్లాలో పెద్ద ఎత్తున చేపడుతున్నట్టు తెలిపారు. ముఖ్యంగా నీరు నిల్వ ఉండకుండా చేయాలని సూచించారు. అలాగే కాలువల్లో పూడికతీత పనులు, రక్షిత మంచినీటి పధకాలను శుభ్రం చేయాలని ఆదేశించారు. జిల్లాలో 770 పంచాయతీలకు గానూ 685 పంచాయతీలకు కార్యదర్శులు ఉన్నారని, కార్యదర్శిలేని గ్రామాలకు ఇన్ఛార్జ్ లతో విధులు నిర్వహిస్తున్నామని తెలిపారు. అలాగే త్వరలో గ్రామ పంచాయతీ కార్యదర్శులను మూడు గ్రేడుల్లో విభజించి విలీనం చేస్తామని తెలిపారు. అలాగే గ్రామ పంచాయతీలకు 15వ ఆర్థిక సంఘం నిధుల కింద రూ.2 కోట్లు రావాల్సి ఉందని తెలిపారు. విధుల నిర్వహణలో నిర్లక్ష్యం చేసే గ్రామ కార్యదర్శులపై కఠిన చర్యలు తీసుకుంటామని హెచ్చరిం చారు. ఈ సమావేశంలో ఎంపిడీవో ఎన్.రత్నం, ఈవోపీఆర్డీ వెంకటరమణ పాల్గొన్నారు.