అందరి సహకారంతో పనిచేస్తా...

 కూటమి అభ్యర్థులను గెలిపించండి....టీడీపీ మేయర్ అభ్యర్థి అవనాపు భార్గవి.... 

విజయనగరం బ్యూరో సూర్య: అధిష్టానం తనపై నమ్మకం తో ఇంతటి అవకాశం కల్పించిందని అందరి సహకారం తో ముందుకు సాగుతాన ని  టీడీపీ మేయర్ అభ్యర్థి అవనాపు భార్గవి అన్నారు. శనివారం అశోక్ బంగ్లా లో ఏర్పాటు చేసిన విలేఖరుల సమావేశంలో ఆమె మాట్లాడుతూ తనకు పెద్ద బాధ్యత అప్పగించిన కూటమి అధిష్టానం కు దన్యవాదాలు తెలిపారు. 62 వార్డుల అభ్యర్థులు గెలిపించాలని కోరారు. మంత్రి కొండపల్లి శ్రీనివాస్ మాట్లాడుతూ మేయర్ అభ్యర్థి గా బీసీ సామాజిక వర్గానికి ఇవ్వడం , అన్ని వర్గాల సముచిత స్థానం కల్పించాలని అదినేత చంద్రబాబు కార్యక్రమాలు చేపడుతున్నారన్నారు. అందరితో కలిసి నడిచే వ్యక్తి విజయ్ అని కూటమి అభ్యర్థులను గెలిపించాలని కోరారు. జరుగుతున్న అభివృద్ధి తో భారీ మెజార్టీ గెలిపించాలని, ఆశించి టికెట్ దక్కని వారిని కూడా సమన్వయం చేసుకుని ముందుకు సాగాలని అన్నారు. మాజీ జడ్పి చైర్మన్ మజ్జి శ్రీనివాసరావు (చిన్న శ్రీను) మాట్లాడుతూ విజయనగరానికి ఒక చరిత్ర ఉందన్నారు. అందునా అశోక్ హయంలో జరిగిన అభివృద్ధి ప్రస్తుతం కూటమి ప్రభుత్వం లో జరుగుతున్న అభివృద్ధి చూసి కూటమి అభ్యర్థులను గెలిపించాలన్నారు. మొన్నటి ఎన్నికల్లో విజయ నగరం నియోజక వర్గానికి భారీ మెజార్టీ ఇచ్చారని ఎమ్మెల్యే ఈ ప్రాంత అభివృద్ధికి నిధులు తీసుకువస్తున్నారు. ఎమ్మెల్యే అదితి గజపతి రాజు మాట్లాడుతూ ముఖ్య మంత్రి చంద్రబాబు నాయుడు, డిప్యూటీ సీఎం పవన్ కళ్యాణ్, మంత్రి లోకేష్ ఆశీస్సులు తో భార్గవి అవకాశం కలిగిందన్నారు. నగర అభివృద్ధి లో అంతా కలిసి పనిచేస్తాం అన్నారు. ఈ సందర్భంగా లోక్ సత్తా మద్దతు ప్రకటిస్తుందని పార్టీ అధ్యక్షులు బీ శెట్టి బాబ్జీ స్పష్టం చేశారు.