andhrapradesh
అబ్దుల్ మస్తాన్ కుటుంబ సభ్యులను పరామర్శించిన ఎమ్మెల్సీ పర్వత రెడ్డి
నెల్లూరు ,మేజర్ న్యూస్ : వైఎస్సార్ కాంగ్రెస్ పార్టీ మైనారిటీ నాయకుడు అబ్దుల్ మస్తాన్ కుటుంబ సభ్యులను ఎమ్మెల్సీ, నెల్లూరు నగర నియోజకవర్గ ఇన్‌చార్జి పర్వత రెడ్డి చంద్రశేఖర్ రెడ్డి పరామర్శించారు. పోలీసులు అబ్దుల్ మస్తాన్‌ను అరెస్టు చేసిన నేపథ్యంలో నెల్లూరు కోటమిట్టలోని 42వ డివిజన్‌లో ఉన్న ఆయన నివాసానికి చంద్రశేఖర్ రెడ్డి మైనారిటీ నాయకులతో కలిసి వెళ్లి కుటుంబ సభ్యులను కలిశారు. ఈ సందర్భంగా అధైర్యపడవద్దని, పార్టీ అండగా ఉంటుందని కుటుంబ సభ్యులకు భరోసా ఇచ్చారు. అబ్దుల్ మస్తాన్‌ను బయటకు తీసుకొచ్చేందుకు వైఎస్సార్ కాంగ్రెస్ పార్టీ రాజీలేని పోరాటం చేస్తుందని తెలిపారు.
