12న తమిళనాడు సీఎం విజయ్ విజయవాడ పర్యటన
విజయవాడ:ఈ నెల 13న తమిళనాడు ముఖ్యమంత్రి విజయ్ విజయవాడలో పర్యటించనున్నారు. ఈ పర్యటనలో భాగంగా ఆంధ్రప్రదేశ్ ముఖ్యమంత్రి నారా చంద్రబాబు నాయుడితో ఆయన సమావేశం కానున్నారు. తెలుగు గంగ ఒప్పందం ప్రకారం తమిళనాడుకు రావాల్సిన కృష్ణా జలాల వాటా సక్రమంగా అందడం లేదనే అంశంపై ఈ భేటీలో ప్రధానంగా చర్చించనున్నట్లు రాజకీయ వర్గాల్లో ప్రచారం జరుగుతోంది.
ఒప్పందం ప్రకారం ఏపీ నుంచి తమ రాష్ట్రానికి దక్కాల్సిన నీటి సరఫరాలోని వ్యత్యాసాలు, వాటి పరిష్కారంపై సీఎం చంద్రబాబుతో ఆయన సుదీర్ఘంగా చర్చించే అవకాశం ఉంది. అంతేకాకుండా, ఈ పర్యటనలో భాగంగా ఏపీ డిప్యూటీ సీఎం పవన్ కల్యాణ్‌తోనూ తమిళనాడు సీఎం విజయ్ భేటీ అయ్యే ఛాన్స్ ఉందని సమాచారం.
ఈ రాజకీయ, అధికారిక భేటీలతో పాటు విజయవాడ వేదికగా ఘనంగా జరుగుతున్న 'విజయవాడ ఉత్సవ్ 2.0' వేడుకల్లోనూ సీఎం విజయ్ ప్రత్యేక అతిథిగా పాల్గొననున్నట్లు తెలుస్తోంది. అయితే, ఈ పర్యటనకు సంబంధించి తమిళనాడు ప్రభుత్వ కార్యాలయం నుంచి ఇంకా అధికారిక షెడ్యూల్ వెలువడాల్సి ఉంది.
