తపాలా జీవిత బీమాపై అవగాహన ర్యాలీ

నవాబుపేట సూర్య న్యూస్:తపాలా శాఖ ఆధ్వర్యంలో మంగళవారం మండల కేంద్రంలో తపాలా జీవిత బీమాపై ప్రజలకు అవగాహన కల్పించేందుకు ర్యాలీ నిర్వహించారు.ఈ సందర్భంగా తపాలా శాఖ అందిస్తున్న వివిధ పొదుపు,జీవిత బీమా పథకాల ప్రయోజనాలను ప్రజలకు వివరించారు.తక్కువ ప్రీమియంతో జీవిత బీమా పొందే అవకాశం తపాలా జీవిత బీమా పథకంలో ఉందని,ప్రజలు ఈ పథకాలను సద్వినియోగం చేసుకోవాలని ర్యాలీలో నినాదాలు చేశారు.భవిష్యత్తు ఆర్థిక భద్రత కోసం తపాలా శాఖ అందిస్తున్న పథకాలపై ప్రతి ఒక్కరూ అవగాహన పెంచుకోవాలని అన్నారు.ఈ కార్యక్రమంలో ఉప తపాలా కార్యాలయ అధికారి అంజా నాయక్,తపాలా పర్యవేక్షకులు వెంకటేష్,వెంకట్ రెడ్డి,మండల,జిల్లా శాఖా తపాలా కార్యాలయాల అధికారులు,సహాయ అధికారులు పాల్గొన్నారు.