శివనామస్మరణతో మార్మోగిన సిద్ధులగుట్ట

సూర్య, ఆర్మూర్ : ఆర్మూర్ పట్టణంలోని ప్రసిద్ధ పుణ్యక్షేత్రమైన శ్రీ నవనాథ సిద్ధులగుట్ట సోమవారం శివనామస్మరణతో ఆధ్యాత్మిక శోభను సంతరించుకుంది. ఉదయం నుంచే పెద్ద సంఖ్యలో భక్తులు గుట్టపైకి చేరుకుని శ్రీ సిద్ధేశ్వర స్వామిని దర్శించుకున్నారు. శివాలయంలో స్వామివారికి పంచామృతాలతో, బిల్వపత్రాలతో విశేష అభిషేకాలు నిర్వహించి భక్తిపారవశ్యంలో మునిగిపోయారు.అనంతరం రామాలయం, దత్తాత్రేయ స్వామి, దుర్గామాత, అయ్యప్ప స్వామి, ఎల్లమ్మ తల్లి ఆలయాల్లో ప్రత్యేక పూజలు నిర్వహించారు. శ్రీ నందీశ్వర మహారాజ్ ఆధ్వర్యంలో భజన మండలి సభ్యులు భక్తి గీతాలు ఆలపిస్తూ పల్లకీ సేవ నిర్వహించారు. భజనలతో గుట్ట పరిసరాలు ఆధ్యాత్మిక వాతావరణాన్ని సంతరించుకున్నాయి.

దర్శనానికి వచ్చిన భక్తులందరికీ సిద్ధులగుట్ట ఆలయ కమిటీ ఆధ్వర్యంలో అన్నప్రసాద వితరణ చేపట్టారు. ఈ కార్యక్రమంలో బి. సుమన్, బీసీ గంగారెడ్డి, కోడిగెల మల్లయ్య, చరణ్ రెడ్డి, జిమ్మీ రవి,  కొంతం మంజుల, మురళి, శ్రీనివాస్, నరేష్, సతీష్‌, బొండ్ల ఆనంద్ లతో పాటు సిద్ధులగుట్ట శివభక్తులు, భజన మండలి సభ్యులు, పలువురు భక్తులు పాల్గొన్నారు.