పోలీస్ స్టేషన్లో  విద్యార్థులకు పోలీస్ విధులపై అవగాహన

సూర్య జైనూర్ : సిర్పూర్ (యు) పోలీస్ అమరవీరుల వారోత్సవాల్లో భాగంగా పోలీస్ స్టేషన్‌లో  విద్యార్థులకు ఓపెన్ హౌస్ కార్యక్రమాన్ని ఎస్సై కొమురయ్య ఆధ్వర్యంలో  నిర్వహించారు. ఈ సందర్భంగా ఎస్‌ఐ పోలీసుల విధులు, బాధ్యతలు, ప్రజల రక్షణలో పోలీసుల పాత్ర, శాంతిభద్రతల పరిరక్షణకు చేపడుతున్న చర్యల గురించి విద్యార్థులకు వివరించారు. పోలీస్ శాఖలో వినియోగించే వివిధ రకాల ఆయుధాలు, భద్రతా పరికరాలు, కమ్యూనికేషన్ వ్యవస్థలు, నేర పరిశోధనలో ఉపయోగించే ఆధునిక సాంకేతిక పరిజ్ఞానంపై అవగాహన కల్పించారు. ఇలాంటి కార్యక్రమాల ద్వారా విద్యార్థుల్లో పోలీస్ శాఖపై అవగాహన పెంపొందించడంతో పాటు ప్రజలకు, పోలీసులకు మధ్య సత్సంబంధాలు బలోపేతం అవుతాయని పేర్కొన్నారు. ఈ కార్యక్రమంలో ఉపాధ్యాయుల భూమయ్య, శ్రీనివాస్ కానిస్టేబుల్ కార్లే ప్రకాష్, నాగేందర్ బాబు, వినోద్, గౌతమ్ తదితరులు పాల్గొన్నారు.