-గ్రామంలో కొత్త సంప్రదాయానికి శ్రీకారం -గ్రామ సర్పంచ్ కుంచం లత

సిద్దిపేట రూరల్, : విజయదశమి పర్వదినాన్ని పురస్కరించుకొని పుల్లూరు గ్రామంలో తొలిసారిగా రావణ దహన కార్యక్రమాన్ని ఘనంగా నిర్వహించారు.సర్పంచ్ కుంచం లత వెంకట్, ఉపసర్పంచ్ ఒగ్గు రాజేష్ ఆధ్వర్యంలో పాలకవర్గం సమన్వయంతో ఈ వేడుకలను నిర్వహించారు. ఈ సందర్భంగా వారు మాట్లాడుతూ గ్రామంలో తొలిసారిగా రావణ దహన కార్యక్రమం చేపట్టడం ప్రత్యేక ఆకర్షణగానిలిచిందన్నారు.చెడుపై మంచి సాధించిన విజయానికి ప్రతీకగా నిలిచే విజయదశమి పండుగ సందర్భంగా రావణ దహన కార్యక్రమాన్ని నిర్వహించడం గ్రామస్థుల్లో ఉత్సాహాన్ని నింపిందన్నారు. ఈ వేడుకలతో పుల్లూరు గ్రామంలో పండుగ శోభ సంతరించుకుంది. గ్రామస్థులు ఈ కార్యక్రమంలో భాగస్వాములై విజయదశమి వేడుకలను ఆనందోత్సాహాల మధ్య జరుపుకున్నారని తెలిపారు.

కొత్త సంప్రదాయానికి శ్రీకారం

పుల్లూరు గ్రామంలో తొలిసారిగా రావణ దహన కార్యక్రమాన్ని నిర్వహించడం అలాగే శ్రీ లక్ష్మీ నరసింహ స్వామిని రథ శోభాయాత్ర ద్వారా గ్రామంలో కొత్త సంప్రదాయానికి శ్రీకారం చుట్టారు. పండుగలు కేవలం వేడుకలకే పరిమితం కాకుండా ప్రజల మధ్య ఐక్యత, సోదరభావం, ఆత్మీయతను పెంపొందించేలా ఉండాలనే సందేశాన్ని ఈ కార్యక్రమం చాటిచెప్పింది. మన సంస్కృతి, సంప్రదాయాలను భావితరాలకు పరిచయం చేయడంలో ఇలాంటి కార్యక్రమాలు కీలక పాత్ర పోషిస్తాయని గ్రామస్థులు అభిప్రాయపడ్డారన్నారు.

సర్పంచ్, పాలకవర్గంపై హర్షం

గ్రామ అభివృద్ధితో పాటు ప్రజలకు ఆహ్లాదాన్ని పంచే సాంస్కృతిక కార్యక్రమాల నిర్వహణకు ప్రాధాన్యతనిస్తూ రావణ దహన కార్యక్రమాన్ని చేపట్టడంపై సర్పంచ్ కుంచం లత వెంకట్, ఉపసర్పంచ్ ఒగ్గు రాజేష్, పాలకవర్గంపై గ్రామస్థులు హర్షం వ్యక్తం చేశారు. గ్రామ ప్రజలందరినీ ఒకచోట చేర్చి పండుగ వేడుకలను ఘనంగా నిర్వహించడం ఆనందంగా ఉందన్నారు. పుల్లూరులో తొలిసారిగా నిర్వహించిన రావణ దహన కార్యక్రమం విజయదశమి వేడుకలకు ప్రత్యేక ఆకర్షణగా నిలవడంతో పాటు గ్రామంలో పండుగ సందడిని మరింత పెంచింది.