భక్తిశ్రద్ధలతో దేవి రథయాత్ర.. ప్రత్యేక కార్యక్రమాలు

కొండాపూర్ : మండల పరిధిలోని మామదాపూర్ గ్రామంలో దేవి నవరాత్రి ఉత్సవాలను ఘనంగా నిర్వహించారు. నవరాత్రులు ముగిసిన సందర్భంగా మాజీ సర్పంచ్ శ్యామ్. సర్పంచ్ స్వర్ణమేశ్వర్, కాంగ్రెస్ నాయకుడు తిరుపతిరెడ్డి ఆధ్వర్యంలో ఉత్సవాలను వైభవంగా ముగించారు. ఈ సందర్భంగా దేవి రథయాత్ర నిర్వహించడంతో పాటు గ్రామంలో వివిధ భక్తి కార్యక్రమాలు, కళాకారుల ప్రదర్శనలు ఏర్పాటు చేశారు. గ్రామ ప్రజలు ఉత్సవాల్లో పాల్గొని అమ్మవారిని దర్శించుకున్నారు.ఈ సందర్భంగా మాజీ సర్పంచ్ శ్యామ్ మాట్లాడుతూ.. గ్రామంలో దేవి నవరాత్రి ఉత్సవాలను భక్తిశ్రద్ధలతో ఘనంగా నిర్వహించడం సంతోషంగా ఉందన్నారు. అమ్మవారి ఆశీస్సులతో గ్రామ ప్రజలందరూ సుఖసంతోషాలతో, ఐకమత్యంతో ఉండాలని ఆకాంక్షించారు. ప్రతి ఒక్కరికీ అమ్మవారి కృప కలగాలని కోరుకుంటూ ఉత్సవాలను ముగించినట్లు తెలిపారు.