అవుషాపూర్‌లో భక్తిశ్రద్ధలతో దుర్గాదేవి హోమం

ఘట్‌కేసర్, మేజర్ న్యూస్:అవుషాపూర్‌ లో శ్రీశ్రీ దుర్గాదేవి ఉత్సవ సమితి ఆధ్వర్యంలో హోమం కార్యక్రమాన్ని భక్తిశ్రద్ధలతో నిర్వహించారు. ఈ సందర్భంగా అమ్మవారికి ప్రత్యేక పూజలు నిర్వహించి, వేదమంత్రాల నడుమ హోమ కార్యక్రమాన్ని చేపట్టారు. అమ్మవారి అనుగ్రహంతో గ్రామ ప్రజలు సుఖసంతోషాలతో, ఆయురారోగ్యాలతో ఉండాలని నిర్వాహకులు ఆకాంక్షించారు. ఈ హోమ కార్యక్రమంలో ఘట్‌కేసర్‌ మండల బీఆర్‌ఎస్‌ ప్రధాన కార్యదర్శి, భవానీమాలధారి పన్నాల కొండల్‌ రెడ్డితో పాటు పలువురు స్వాములు పాల్గొని హోమాన్ని నిర్వహించారు. భక్తులు అమ్మవారిని దర్శించుకుని ప్రత్యేక పూజలు చేసి తీర్థప్రసాదాలు స్వీకరించారు. హోమంతో గ్రామంలో ఆధ్యాత్మిక వాతావరణం నెలకొంది.