అగ్నిప్రమాదంలో గడ్డివాము దగ్ధం

నవాబుపేట సూర్య న్యూస్:నవాబుపేట గ్రామానికి చెందిన కారుకొండ చంద్రయ్యకు చెందిన గడ్డివాము సోమవారం రాత్రి ప్రమాదవశాత్తు మంటలు అంటుకుని పూర్తిగా దగ్ధమైంది.ఒక్కసారిగా మంటలు చెలరేగడంతో అప్రమత్తమైన బాధిత కుటుంబ సభ్యులు మంటలను ఆర్పేందుకు ప్రయత్నించినప్పటికీ అదుపులోకి రాలేదు.దీంతో వెంటనే అగ్నిమాపక సిబ్బందికి సమాచారం అందించారు.సంఘటనా స్థలానికి చేరుకున్న అగ్నిమాపక సిబ్బంది తీవ్రంగా శ్రమించి మంటలను అదుపులోకి తీసుకొచ్చారు.ఈ ప్రమాదంలో సుమారు రూ.లక్ష విలువైన గడ్డి దగ్ధమైనట్లు బాధితుడు తెలిపారు.ప్రమాదంతో తీవ్రంగా నష్టపోయిన చంద్రయ్యను ప్రభుత్వం ఆర్థికంగా ఆదుకోవాలని కాంగ్రెస్ నాయకులు కోట్ల రాజేష్,చిర్ప సత్యం,వార్డు సభ్యుడు రాము ప్రభుత్వాన్ని కోరారు.అధికారులు నష్టాన్ని పరిశీలించి బాధితుడికి తగిన పరిహారం అందించాలని విజ్ఞప్తి చేశారు.