అదుపుతప్పిన ద్విచక్ర వాహనం.
సూర్య శ్రీరాంపూర్: మండలంలోని పందిల్ల గ్రామంలో ద్విచక్ర వాహనం అదుపు తప్పడంతో ఇద్దరు యువకులు గాయపడిన ఘటన ఆదివారం రోజున చోటు చేసుకుంది. వీణవంక మండలం కల్లుపల్లి గ్రామానికి చెందిన రాహుల్, రహీం ఇద్దరు గాయపడ్డారు. కాల్వ శ్రీరాంపూర్ ఎస్సై గట్ల సుధాకర్ గాయపడిన వారిని ప్రభుత్వ దవాఖానకు తరలించి ప్రథమ చికిత్స అందించి తన మానవతా హృదయాన్ని చాటిచెప్పారు. వివరాల్లోకి వెళితే సద్దుల బతుకమ్మ సందర్భంగా ఎస్సై గట్ల సుధాకర్ పర్యవేక్షణ కొరకు అటువైపు వెళుతుండగా ద్విచక్ర వాహనం అదుపు తప్పి గాయపడిన యువకులు సహాయం కోసం ఎదురుచూస్తుండగా వారిని గమనించిన ఆయన తన స్థాయి, హోదాను మరచిపోయి సొంత వాహనంలో హుటాహుటిన ప్రభుత్వ దవాఖానకు తరలించి ప్రథమ చికిత్స చేయించడాన్నీ స్థానికులు ప్రశంసిస్తున్నారు. ఖాకీ దుస్తుల వెనుక కట్టిన హృదయము ఉంటుందనేది ఎంత నిజమో సమయాన్ని బట్టి సాయం కొరకు ఎదురుచూసే వారి పట్ల స్పందించే మానవతా హృదయం కూడా ఉంటుందని తన చర్యల ద్వారా చాటి చెప్పారు. ఇలాంటి చర్యల ద్వారా పోలీసులపై ఉన్న భయం పోయి సమాజంలో నమ్మకం పెరుగుతుందని ఎస్ఐ గట్ల సుధాకర్ ను మండల ప్రజలు అభినందిస్తున్నారు.
