telanagana
తెలంగాణకు శనిలా మారిన సీఎం
సూర్య జగిత్యాల ప్రతినిధి: రేవంత్‌రెడ్డికి పాలన చేతకాక డైవర్షన్‌ పాలిటిక్స్‌ చేస్తున్నారని మాజీ మంత్రి, బీఆర్‌ఎస్‌ రాష్ట్ర ప్రధాన కార్యదర్శి తాటిపర్తి జీవన్‌రెడ్డి విమర్శించారు. బీఆర్‌ఎస్‌ కార్యాలయం తెలంగాణ భవన్‌లో నిర్వహించిన విలేకరుల సమావేశంలో ఆయన మాట్లాడారు. రాష్ట్రంలో ఎల్‌నినో ప్రభావంతో సాగునీరు, విద్యుత్‌ కొరత కారణంగా పంటలు ఎండిపోయే పరిస్థితి నెలకొందన్నారు. తక్షణమే ఎస్సారెస్పీ నుంచి నీటిని విడుదల చేసి పొట్ట దశలో ఉన్న వరి పంటకు రెండు తడులు అందించాలని డిమాండ్‌ చేశారు. కన్నెపల్లి నుంచి నీటిని ఎత్తిపోసి ఉత్తర తెలంగాణకు సాగునీరు అందించాలని కోరారు. సమావేశంలో దావా వసంత సురేష్‌తో పాటు బీఆర్‌ఎస్‌ నాయకులు అయిల్నేని వెంకటేశ్వరరావు, వోళ్లం మల్లేశం, అల్లాల ఆనంద్‌రావు, శీలం ప్రవీణ్‌కుమార్‌, కళ్లేపల్లి దుర్గయ్య, అల్లాల రమేశ్ రావు పాల్గొన్నారు.
