సూర్య. బీర్కూర్ : బీర్కూర్ మండల కేంద్రంలోనీ గ్రామపంచాయతీ కార్యాలయంలో నిర్వహిస్తున్న SIR స్పెషల్ డ్రైవ్ ప్రక్రియను ఆర్డిఓ రవీందర్ రెడ్డి పరిశీలించారు.ఈ సందర్భంగా ఆయన మాట్లాడుతూ ఓటరు జాబితా సవరణ ప్రక్రియను పరిశీలించి, BLO సిబ్బందికి పలు సూచనలు చేశారు. అర్హత కలిగిన ప్రతి ఒక్కరి ఓటు హక్కు కల్పించేలా, పెండింగ్‌లో ఉన్న ప్రక్రియలను త్వరితగతిన పూర్తి చేయాలని సూచించారు. ప్రతి ఓటరుకు సంబంధించిన వివరాలను క్షుణ్ణంగా పరిశీలించి నమోదు చేయాలని ఆదేశించారు. ఆయన వెంట స్థానిక సర్పంచ్ ధర్మతేజ, తహసిల్దార్ సవాయిసింగ్ గ్రామపంచాయతీ కార్యదర్శి గంగారం, బిఎల్వోలుఅధికారులుతదితరులు పాల్గొన్నారు.
