రేవంత్‌రెడ్డి వ్యాఖ్యలపై బీజేపీ నిరసన

సూర్య ఎండపల్లి: జగిత్యాల  జిల్లా రాజారాంపల్లి వివేకానంద కూడలిలో సీఎం రేవంత్‌రెడ్డి వ్యాఖ్యలను నిరసిస్తూ బీజేపీ నాయకులు దిష్టిబొమ్మ దహనం చేశారు.
ఈ సందర్భంగా మండల అధ్యక్షుడు రావు హన్మంతరావు మాట్లాడుతూ ముఖ్యమంత్రి వ్యాఖ్యలు ప్రజల మనోభావాలను దెబ్బతీసేలా ఉన్నాయని విమర్శించారు. రాష్ట్ర అభివృద్ధి, ఇచ్చిన హామీల అమలుపై ప్రభుత్వం దృష్టి సారించాలని డిమాండ్ చేశారు. ప్రధాని నరేంద్ర మోదీపై చేసిన వ్యాఖ్యలను ఉపసంహరించుకోవాలని కోరారు.
కార్యక్రమంలో కొమ్ము రాంబాబు, మంచికట్ల రవి, పొన్నం నరేష్, మేడిపల్లి రాజశేఖర్, గొపనవేని గంగాచలం, అమరగొండ దివాకర్ గౌడ్, జక్కుల సాగర్, దేవి సంతోష్, మేడిపల్లి రాజు పాల్గొన్నారు.