ముందస్తు బతుకమ్మ సంబరాలు..

ముందస్తు బతుకమ్మ సంబరాలు...
బెజ్జంకి:మండల పరిధిలోని గూడెం ప్రాథమిక పాఠశాల,అంగన్వాడీ కేంద్రంలో ముందస్తు బతుకమ్మ సంబరాలు శుక్రవారం ఘనంగా నిర్వహించారు.ఈ కార్యక్రమానికి ముఖ్య అతిధులుగా ఐసీడిఎస్ సూపర్వైజర్ నాగరాణి,ఎస్ఎంసీ చైర్మన్ గూడెల్లి మానస హాజరయ్యారు.ఈ సందర్బంగా మహిళ ఉపాధ్యాయులు,విద్యార్థినులు తీరొక్క పూలతో బతుకమ్మ పేర్చి అందంగా అలంకరించి చుట్టూ తిరిగి పాటలు పాడుతూ చప్పట్లు కొడుతూ సందడి చేశారు.చిన్నారులు సాంప్రదాయ దుస్తుల్లో ప్రత్యేక ఆకర్షణగా నిలిచారు.ఈ సందర్బంగా ఉపాధ్యాయులు బతుకమ్మ పండగ విశిష్టతను,ప్రాముఖ్యతను విద్యార్థులకువివరించారు.ఉపాధ్యాయులు శ్రీనివాస్,అంగన్వాడీ టీచర్ మంకాలి సరోజన,విద్యార్థుల తల్లిదండ్రులు తదితరులు పాల్గొన్నారు.