మధిరలో ఘనంగా బతుకమ్మ సంబరాలు ప్రారంభం

మధిర: సూర్య మేజర్ న్యూస్

మధిర పట్టణంలోని లడక బజారులో దేశభక్తి యువజన సంఘం ఆధ్వర్యంలో బతుకమ్మ సంబరాలు శనివారం ఎంగిలిపూల బతుకమ్మతో ఘనంగా ప్రారంభమయ్యాయి. ఈ సందర్భంగా పెద్ద సంఖ్యలో మహిళలు రంగురంగుల పూలతో అలంకరించిన బతుకమ్మలను తీసుకొచ్చారు. బతుకమ్మల చుట్టూ తిరుగుతూ ఆటపాటలతో సందడి చేశారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను ఉత్సాహంగా జరుపుకుంటూ మహిళలు ఆనందంగా గడిపారు. లేడక బజారు ప్రాంతం బతుకమ్మ పాటలు, మహిళల కోలాహలంతో పండుగ శోభను సంతరించుకుంది.