మా లక్ష్యం వైద్యసేవలే.. రాజకీయాలు కాదు: మహేష్ డేగ్లోర్కర్

సికింద్రాబాద్ మేజర్ న్యూస్ : తమ రాజకీయ ప్రయోజనాల కోసం మెడికవర్ ఆస్పత్రుల ప్రతిష్టను దిగజార్చడం సరికాదని ఆల్ ఇండియా మెడికవర్ ఆసుపత్రుల చీఫ్ ఆపరేటింగ్ ఆఫీసర్ మహేష్ డేగ్లోర్కర్ అన్నారు. శుక్రవారం సికింద్రాబాద్ మెడికవర్ ఆసుపత్రిలో ఏర్పాటు చేసిన విలేకరుల సమావేశంలో ఆయన మాట్లాడుతూ తమ ఆసుపత్రికి ఈ రాజకీయ పార్టీతో నాయకులతో సంబంధం లేదని స్పష్టం చేశారు. నిరాధారమైన ఆరోపణలు చేస్తూ కొంత మంది కావాలని ఆసుపత్రి ప్రతిష్టను దిగజార్చే కార్యక్రమానికి శ్రీకారం చుట్టారని తెలిపారు. సికింద్రాబాద్ మెడికవర్ ఆసుపత్రి ప్రారంభమై సంవత్సరం గడిచిందని, ఇప్పటివరకు 15 వేల ఇన్ పేషంట్లతో పాటు లక్షల మందికి ఓపి సేవలు అందించమన్నారు. రోగుల వ్యాధి తీవ్రత చికిత్సకు సంబంధించిన వివరాలు పరిశీలించకుండానే ఆసుపత్రిలో ఏడు మంది ఒకేరోజు చనిపోయారని ప్రచారం చేయడం సరికాదన్నారు వీరికి గ్లోబల్ ప్రచారంతో రోగులు వారి బంధువులు తీవ్ర ఆందోళనకు గురవుతున్నారని అలాంటి భయాలు సృష్టించవద్దన్నారు.   మా ఆసుపత్రుల ప్రారంభానికి కేంద్రమంత్రి కిషన్ రెడ్డి మరో మంత్రి బండి సంజయ్ మహారాష్ట్ర ముఖ్యమంత్రి ఏక్ నాథ్ షిండే, ఫడ్నవిస్ బీఆర్ఎస్ మాజీ మంత్రి హరీష్ రావు , పోచారం శ్రీనివాస్ రెడ్డి మంత్రి పొన్నం ప్రభాకర్ తదితరులు వచ్చారన్నారు. తాము చేసేటివి వైద్యసేవలే తప్ప రాజకీయాలు కాదని గుర్తించాలని ఆయన కోరారు. భవిష్యత్తులో మరింత నాణ్యమైన వైద్య సేవలు ప్రజలకు అందేలా చూస్తామని తెలిపారు.