కోటకొండలో సరస్వతి.. భైరంకొండలో లక్ష్మీదేవి -- శరన్నవరాత్రి ఉత్సవాల్లో అమ్మవారి ప్రత్యేక అలంకరణలు

*నారాయణపేట, సూర్యన్యూస్:*    నారాయణపేట మండలంలో దేవీ శరన్నవరాత్రి ఉత్సవాలు వైభవంగా కొనసాగుతున్నాయి. ఉత్సవాల్లో భాగంగా నారాయణపేట మండలం భైరంకొండతో పాటు సింగారం శ్రీగిరి పీఠంపై కొలువైన భవానీమాత అమ్మవారు ఏడవ రోజు శనివారం మహాలక్ష్మి దేవి అలంకరణలో భక్తులకు దర్శనమిచ్చారు. కోటకొండ వాసవీ కన్యక పరమేశ్వరి ఆలయంలో వాసవీ మాత  చదువుల తల్లి సరస్వతి దేవి అవతారంలో భక్తులకు దర్శనమిచ్చారు. ఈ సందర్భంగా  అమ్మవారికి  అభిషేకం, పుష్పాలంకరణ, మహామంగళహారతి తదితర పూజా కార్యక్రమాలను నిర్వహించారు. అనంతరం అమ్మవారికి నైవేద్యం సమర్పించి హారతులు ఇచ్చారు. భక్తులు అమ్మవారిని దర్శించుకుని ప్రత్యేక పూజలు నిర్వహించారు. మహిళలు భక్తిశ్రద్దలతో అమ్మవారికి కుంకుమార్చన చేశారు. అలాగే భవానీమాత దీక్షలో ఉన్న భక్తులు ప్రత్యేక పూజలు చేశారు. భక్తులు, మహిళలు, చిన్నారులు పాల్గొన్నారు.
-- రాజేష్ కుమార్, సూర్య రిపోర్టర్, నారాయణపేట.