కాంగ్రెస్ ప్రభుత్వం ఇచ్చిన హామీలను వెంటనే అమలు చేయాలి

-- BSP వేములవాడ నియోజకవర్గ అధ్యక్షులు కట్కూరి శంకర్ డిమాండ్ సూర్య వేములవాడ 

తెలంగాణలో కాంగ్రెస్ ప్రభుత్వం ఎన్నికల ముందు ఇచ్చిన హామీలను మరిచిపోయిందని బహుజన్ సమాజ్ పార్టీ వేములవాడ నియోజకవర్గ అధ్యక్షులు కట్కూరి శంకర్ ఆరోపించారు. తక్షణమే ఎన్నికలకు ముందు ఇచ్చిన ప్రతి ఒక్క హామీని అమలు చేయాలని ప్రభుత్వాన్ని డిమాండ్ చేశారు. మంగళవారం రుద్రంగి మండల కేంద్రంలో విలేకరుల కట్కూరి శంకర్ సమావేశంలో మాట్లాడుతూ బీసీ డిక్లరేషన్ అమలు తో పాటు
బీసీలకు ఇచ్చిన హామీలతోపాటు పెళ్లయిన మహిళలకు కల్యాణ లక్ష్మి కింద తులం బంగారం అందించాలన్నారు.
ఎస్టీలకు పోడు భూముల పట్టాలు అందించి వారికి హక్కులు కల్పించాలని డిమాండ్ చేశారు. వితంతువులకు, వికలాంగులకు, వృద్ధులకు 6000 పింఛన్, బీడీ కార్మికులకు 4000 రూపాయలు, 18 ఏళ్లు నిండిన ప్రతి మహిళకు 2500 పెన్షన్ వెంటనే అమలు చేయాలని అన్నారు. గత ఎన్నికలకు ముందు సూరమ్మ చెరువు ప్రాజెక్టును సందర్శించిన రేవంత్ రెడ్డి ప్రభుత్వం ఏర్పడ్డ 18 నెలలోపే సూరమ్మ చెరువు పూర్తి చేసి ఆయకట్టు రైతులకు నీళ్లు అందిస్తానని ఇచ్చిన హామీ నేటికి నెరవేరలేదు అన్నారు.
తెలంగాణ నిరుద్యోగ యువతకు రెండు లక్షల ఉద్యోగాల సంగతి ఏంటని ప్రశ్నించారు. నిరుద్యోగులకు నిరుద్యోగ భృతి ఇవ్వకుండా సిరిసిల్లలో ఈనెల 30న బహిరంగ సభకు వచ్చి ఏం మాట్లాడతారని ప్రశ్నించారు.
ఇప్పటికైనా ముఖ్యమంత్రి రేవంత్ రెడ్డి తెలంగాణ ప్రజలకు ఇచ్చిన ఆరు గ్యారెంటీలను వెంటనే నెరవేర్చాలని లేనిపక్షంలో BSP ఆధ్వర్యంలో పెద్ద ఎత్తున ఆందోళన కార్యక్రమాలు చేపడతామని హెచ్చరించారు.ఈ కార్యక్రమంలో రాజన్న సిరిసిల్ల జిల్లా కార్యదర్శులు కట్కూరి రమేష్, మండల అధ్యక్షులు దయ్యాల ఉదయ్ నాయకులు పోసు తిరుపతి, ఎల్లయ్య, ఎనిగందుల సతీష్, లింగాల రవి, కట్కూరి అశోక్, గసికంటి అరుణ్ తదితరులు పాల్గొన్నారు.