పల్లె పండుగకు భారీగా తరలిన ప్రజలు,. జెండా ఊపి బస్సులను ప్రారంభించిన ఎంపి,ఎమ్మెల్యేలు

పల్లె పండుగకు భారీగా తరలిన ప్రజలు
...... పల్లెలను పట్టణాలుగా మార్చే దిశగా ప్రభుత్వ కృషి 
....... జెండా ఊపి బస్సులను ప్రారంభించిన ఎంపి,ఎమ్మెల్యేలు
...... ప్రజలకు ఇబ్బందులు లేకుండా భోజనం, మంచినీటి వసతులు
బుచ్చిరెడ్డిపాలెం, మేజర్ న్యూస్
నెల్లూరు జిల్లా, ఉదయగిరి నియోజకవర్గం, వరికుంటపాడు మండలం లోని రామాపురం గ్రామంలో మంగళవారం పల్లె పండుగ 3.0 కార్యక్రమం జరగనున్న విషయం తెలిసిందే. ఈ కార్యక్రమంలో ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్, ఇతర మంత్రులు ఎమ్మెల్యేలు పాల్గొని ప్రతి పల్లెలో మౌలిక వసతులు కల్పించే దిశగా కోట్లాది రూపాయల నిధులు మంజూరు చేయనున్నారు. ఈ మేరకు కోవూరు ఎమ్మెల్యే వేమిరెడ్డి ప్రశాంతి రెడ్డి సారధ్యంలో  నాయకులు, కార్యకర్తలు, మెప్మా, పొదుపు మహిళలు భారీగా తరలి వెళ్లారు. ఎమ్మెల్యే వేమిరెడ్డి ప్రశాంతి రెడ్డి, ఎంపివేమిరెడ్డి ప్రభాకర్ రెడ్డి జెండాను ఊపి బస్సులను ప్రారంభించారు. ఈ సందర్భంగా ఎమ్మెల్యే మాట్లాడుతూ ప్రతి పల్లెను పట్టణంగా మార్చే దిశగా నేడు ముఖ్యమంత్రి చంద్రబాబు నాయుడు, మంత్రి పవన్ కళ్యాణ్ లు భారీగా నిధులు కేటాయించ నున్నారన్నారు. ఇది నిజంగానే ప్రతి పల్లెకు పండుగ కార్యక్రమం గా రూపుదిద్దుకుందని కొనియాడారు. కోవూరు నియోజకవర్గం నుండి వేలాది మంది ప్రజలు తరలి వెళ్లడం ఎంతో ఆనందంగా ఉందన్నారు. ఈ కార్యక్రమంలో మున్సిపల్ చైర్ పర్సన్ మోర్ల సుప్రజా మురళి, మున్సిపల్ వైస్ చైర్మన్ లు, కౌన్సిలర్లు టిడిపి నాయకులు నెల్లూరు ప్రభాకర్ రెడ్డి, మోర్ల మురళి, స్థానిక నాయకులు, కార్యకర్తలు భారీగా పాల్గొన్నారు.