గొల్లపల్లిలో విషాదం.. మాజీ ఎంపీటీసీ ఆకస్మిక మృతి

- బీఆర్ఎస్ నేతల పరామర్శ

 రూ. 20,000 ఆర్థిక సహాయం అందించిన సర్పంచ్ కొండా రమేష్

సూర్య, ఎల్లారెడ్డిపేట:

స్నానం చేస్తుండగా గుండెపోటు రావడంతో మాజీ ఎంపీటీసీ బొల్లి లింగం (70) మృతి చెందిన విషాద ఘటన ఎల్లారెడ్డిపేట మండలం గొల్లపల్లి గ్రామంలో గురువారం చోటుచేసుకుంది. స్థానికులు, కుటుంబ సభ్యులు తెలిపిన వివరాల ప్రకారం.. గ్రామానికి చెందిన బొల్లి లింగం గురువారం ఉదయం సుమారు 5 గంటల సమయంలో స్నానం చేస్తుండగా ఒక్కసారిగా గుండెపోటుకు గురై కిందపడిపోయారు.
కుటుంబ సభ్యులు వెంటనే ఆయనను సమీపంలోని ప్రైవేట్ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. అనంతరం మృతదేహాన్ని స్వగ్రామానికి తీసుకువచ్చారు. లింగం 2001లో ఎంపీటీసీగా పనిచేసి గ్రామ అభివృద్ధికి కృషి చేశారు. ఆయనకు భార్య హనుమవ్వ, ఇద్దరు కుమార్తెలు ఉన్నారు.

రూ. 20,000 ఆర్థిక సహాయం అందించిన సర్పంచ్ కొండా రమేష్

బొల్లి లింగం మృతి విషయం తెలుసుకున్న బీఆర్‌ఎస్ పార్టీ జిల్లా అధ్యక్షుడు తోట ఆగయ్య కుటుంబ సభ్యులను పరామర్శించి ప్రగాఢ సానుభూతి తెలిపారు. కుటుంబానికి అండగా ఉంటామని భరోసా ఇచ్చారు. సర్పంచ్ కొండ రమేష్ గౌడ్‌తో కలిసి పార్టీ తరఫున అంత్యక్రియల ఖర్చుల నిమిత్తం తక్షణ సాయంగా రూ.20,000 అందజేశారు. లింగం మృతి పట్ల సర్పంచ్ కొండ రమేష్ గౌడ్, బీఆర్‌ఎస్ సీనియర్ నాయకులు అందే బాలయ్య తదితరులు తీవ్ర విచారం వ్యక్తం చేశారు.