ఏబీవీపీ ఆధ్వర్యంలో ఘనంగా బతుకమ్మ సంబరాలు

తెలంగాణ సంస్కృతి, సంప్రదాయాలకు ప్రతీక బతుకమ్మ

-ఏబీవీపీ ఆధ్వర్యంలో ఘనంగా బతుకమ్మ సంబరాలు

సిద్దిపేట రూరల్, : తెలంగాణ సంస్కృతి, సంప్రదాయాలకు బతుకమ్మ పండుగ ప్రతీకగా నిలుస్తుందని ప్రభుత్వ జూనియర్ కళాశాల ప్రిన్సిపల్ ప్రమీల, ఏబీవీపీ జిల్లా కన్వీనర్ ఫణిందర్ అన్నారు.శుక్రవారం బతుకమ్మ పండుగను పురస్కరించుకుని సిద్దిపేట ప్రభుత్వ జూనియర్ కళాశాలలో ఏబీవీపీ సిద్దిపేట శాఖ ఆధ్వర్యంలో బతుకమ్మ సంబరాలను ఘనంగా నిర్వహించారు. ఈ సందర్భంగా వారు మాట్లాడుతూ బతుకమ్మ పండుగ తెలంగాణ ప్రజల ఆత్మగౌరవానికి, అస్తిత్వానికి ప్రతీక అని పేర్కొన్నారు. ప్రకృతిని పూజిస్తూ పూలతో పండుగ జరుపుకోవడం తెలంగాణ ప్రత్యేకత అని అన్నారు.మన సంస్కృతి, సంప్రదాయాలను భావితరాలకు అందించాల్సిన బాధ్యత విద్యార్థులపై ఉందని తెలిపారు. బతుకమ్మ ఆడుదాం.. మన సంస్కృతిని కాపాడుకుందాం అనే నినాదంతో యువతలో సాంస్కృతిక చైతన్యం పెంపొందించేందుకు ఈ కార్యక్రమాన్ని నిర్వహించినట్లు వెల్లడించారు. పాశ్చాత్య సంస్కృతి ప్రభావానికి లోనుకాకుండా మన సంప్రదాయాలను గౌరవిస్తూ, వాటిని భావితరాలకు అందించాలని పిలుపునిచ్చారు.ఈ కార్యక్రమంలో ఏబీవీపీ నగర కార్యదర్శి తప్పేట తరుణ్, జిల్లా సామాజిక మాధ్యమాల కన్వీనర్ తరుణ్ సాయి, నగర ఎస్‌ఎఫ్‌ఎస్ కన్వీనర్ శ్రీకాంత్, సాయి, కళాశాల విద్యార్థినులు, మహిళా అధ్యాపకులు, ఏబీవీపీ కార్యకర్తలు పాల్గొన్నారు.