ధారూర్ అభివృద్ధికి రూ.8.40 కోట్ల రోడ్డు నిధులు

17.10 కి.మీ. మేర రహదారుల అభివృద్ధి
మండల కాంగ్రెస్ అధ్యక్షుడు మాన్‌సింగ్

ధారూర్, మేజర్ న్యూస్ (సెప్టెంబర్ 24):
ధారూర్ మండలంలోని గ్రామాలు, తండాల అభివృద్ధికి తెలంగాణ ప్రభుత్వం రూ.8.40 కోట్ల రోడ్డు నిధులు మంజూరు చేయడం సంతోషకరమైన విషయమని మండల కాంగ్రెస్ అధ్యక్షుడు మాన్‌సింగ్ అన్నారు. ఈ నిధులతో మండల పరిధిలో మొత్తం 17.10 కిలోమీటర్ల మేర రహదారుల అభివృద్ధి పనులు చేపట్టనున్నట్లు తెలిపారు.ముఖ్యంగా పీడబ్ల్యూడీ–జీడిగడ్డ తండా, ధారూర్–కొండాపూర్, నాగసముందర్–అల్లాపూర్ తదితర ప్రధాన రహదారుల అభివృద్ధికి నిధులు కేటాయించినట్లు పేర్కొన్నారు. రహదారుల అభివృద్ధితో గ్రామీణ ప్రాంతాల్లో రవాణా సౌకర్యాలు మెరుగుపడటంతో పాటు ప్రజల ప్రయాణ ఇబ్బందులు తొలగనున్నాయని అన్నారు. రోడ్ల అభివృద్ధి గ్రామీణ ప్రాంతాల ఆర్థిక, సామాజిక ప్రగతికి దోహదపడుతుందని మాన్‌సింగ్ పేర్కొన్నారు.ధారూర్ మండల అభివృద్ధికి నిధులు మంజూరు చేసిన తెలంగాణ ప్రభుత్వానికి, శాసనసభ స్పీకర్‌, వికారాబాద్ ఎమ్మెల్యే గడ్డం ప్రసాద్ కుమార్‌కు ఆయన కృతజ్ఞతలు తెలిపారు.రిపోర్టర్ సుధాకర్