దేశంలో సంఘ్ పరివార్–గాంధీ పరివార్ మధ్య పోరాటం
కేరళ : దేశంలో ప్రస్తుతం సంఘ్ పరివార్, గాంధీ పరివార్ మధ్య పోరాటం జరుగుతోందని తెలంగాణ ముఖ్యమంత్రి రేవంత్ రెడ్డి అన్నారు. కేరళలో జరిగిన ఆర్యదాన్ మహమ్మద్ 2026 ఉత్తమ ప్రజాసేవక పురస్కార కార్యక్రమంలో ఆయన ఈ వ్యాఖ్యలు చేశారు.
సంఘ్ పరివార్ దేశాన్ని మతం, భాష, సంస్కృతి, కులం పేరుతో విభజిస్తోందని రేవంత్ రెడ్డి విమర్శించారు. మరోవైపు గాంధీ పరివార్ దేశం కోసం అనేక త్యాగాలు చేసిందని పేర్కొన్నారు.
మహాత్మాగాంధీ, ఇందిరాగాంధీ, రాజీవ్గాంధీ దేశం కోసం ప్రాణత్యాగం చేశారని ఆయన అన్నారు. సోనియా గాంధీ, రాహుల్ గాంధీ, ప్రియాంక గాంధీ వంటి నాయకులు కూడా దేశం కోసం కీలక పదవులను త్యాగం చేశారని రేవంత్ రెడ్డి పేర్కొన్నట్లు వార్తా సంస్థలు వెల్లడించాయి.
కేరళలోని నిలంబూరులో జరిగిన కార్యక్రమంలో రేవంత్ రెడ్డికి ‘ఆర్యదాన్ మహమ్మద్ 2026 ఉత్తమ ప్రజాసేవక పురస్కారం’ అందజేశారు. ఏఐసీసీ ప్రధాన కార్యదర్శి, ఎంపీ కే.సీ. వేణుగోపాల్ ఈ పురస్కారాన్ని ప్రదానం చేశారు.
