చాకలి ఐలమ్మ పోరాట యోధురాలు

చాకలి ఐలమ్మ ​పోరాట యోధురాలు
-సిపిఐ జిల్లా నాయకులు శ్రీనివాస్
గార్ల, 26 సెప్టెంబర్ సూర్య (మేజర్ న్యూస్)ధైర్యానికి ప్రతిరూపం, పేదల గొంతుక, నిరంకుశ దోపిడీని ఒంటి కాలు పై ఎదిరించిన వీరనారి చాకలి ఐలమ్మ చేసిన పోరాటాలు నేటి మహిళలకు ఆదర్శనియమని సిపిఐ జిల్లా నాయకులు కట్టెబోయిన శ్రీనివాస్ అన్నారు. శనివారం స్థానిక ఆ పార్టీ కార్యాలయంలో ఐలమ్మ జయంతిని పురస్కరించుకొని ఆమె చిత్ర పటానికి పూల మాలలు వేసి, ఘనంగా నివాళులు అర్పించినారు. ఈ సందర్బంగా ఆయన మాట్లాడుతూ..​భూస్వామ్య విధానానికి, రజాకారుల అణచివేతలకు వ్యతిరేకంగా సాయుధ పోరాటంలో తుపాకి పట్టి, తన భూమిని, ఆత్మగౌరవాన్ని కాపాడుకున్న తెలంగాణ రైతాంగ సాయుధ పోరాట యోధురాలన్నారు. బహుజన మహిళా "సింహం" చాకలి ఐలమ్మ అని గుర్తు చేశారు. ​నాడు ఆమె చూపిన తెగువ, పోరాట పటిమ నేటి తరానికి.. ఎప్పటికీ గొప్ప స్ఫూర్తిదాయక మన్నారు. ఐలమ్మ ఆశయాలను ముందుకు తీసుకు వెళ్ళాలని, ఆత్మగౌరవంతో బతికే మార్గాన్ని ఎంచుకుందమన్నారు.
​వీరనారి చాకలి ఐలమ్మ  జయంతిని ఏటా ఘనంగా జరుపుకుందామని శ్రీనివాస్ పిలుపునిచ్చారు. ఈ కార్యక్రమంలో ఆ పార్టీ మండల కార్యదర్శి జంపాల వెంకన్న, నాయకులు హరి, లోకేష్, రాజేష్, రమేష్ తదితరులు పాల్గొన్నారు.