బీజేపీ యువమోర్చా అధ్యక్షుడిగా సంపత్‌గౌడ్*

రాజపేట,మేజర్ న్యూస్: బీజేపీ రాజాపేట మండల యువమోర్చా అధ్యక్షుడిగా డొంకెన సంపత్‌గౌడ్‌ను బీజేపీ మండల అధ్యక్షుడు మేకల రమేష్ నియమించారు. బుధవారం జరిగిన కార్యక్రమంలో రాష్ట్ర కార్యవర్గ సభ్యుడు పాశం భాస్కర్ ఆయనకు నియామక పత్రాన్ని అందజేశారు.ఇటీవల జరిగిన సర్పంచ్ ఎన్నికల్లో బీజేపీ అభ్యర్థిగా పోటీ చేసిన సంపత్‌గౌడ్ స్వల్ప ఓట్ల తేడాతో ఓటమి చెందారు. ప్రస్తుతం పాలసెంటర్ చైర్మన్‌గా కొనసాగుతున్నారు. యువమోర్చాను బలోపేతం చేసి, పార్టీ సిద్ధాంతాలను ప్రజల్లోకి తీసుకెళ్లేలా పనిచేయాలని నాయకులు సూచించారు.కార్యక్రమంలో రాజాపేట సర్పంచ్ కోయ మధు,బుల్లెట్ మాధురి,దాచేపల్లి శ్రీనివాస్,గాండ్ల నరసింగరావు, కాసోజు సంపత్, మెండు భగవాన్‌రెడ్డి శేఖర్‌రెడ్డి తదితరులు పాల్గొన్నారు.