telanagana
ఆత్మహత్యకు ప్రయత్నించిన యువకుడి ప్రాణాలు కాపాడిన బ్లూకోట్స్ సిబ్బంది
సూర్య జగిత్యాల ప్రతినిధి:కుటుంబ కలహాలతో మనస్తాపానికి గురై పురుగుల మందు తాగి ఆత్మహత్యకు ప్రయత్నించిన యువకుడిని బ్లూకోట్స్ సిబ్బంది ప్రాణాపాయం నుంచి కాపాడారు. కొడిమ్యాల మండలం దొంగలమర్రి చెక్పోస్ట్ సమీపంలో శంకర్రావుపేట గ్రామానికి చెందిన వంశీ కుటుంబ కలహాల కారణంగా పురుగుల మందు తాగి ఆత్మహత్యకు ప్రయత్నించినట్లు 112 డయల్కు సమాచారం అందింది. సమాచారం అందిన వెంటనే కొడిమ్యాల బ్లూకోట్స్ పోలీస్ కానిస్టేబుల్ శ్రీనివాస్ సంఘటనా స్థలానికి తక్షణమే చేరుకుని కాపాడడం తో పాటు పరిస్థితిని గమనించి యువకుడికి ధైర్యం చెప్పడంతో పాటు కుటుంబ సభ్యులతో మాట్లాడి కౌన్సెలింగ్ నిర్వహించారు.
