క్రికెట్ టోర్నీ ప్రారంభం

నవాబుపేట సూర్య న్యూస్: మండల కేంద్రంలో నవాబుపేట క్రికెట్ అసోసియేషన్ ఆధ్వర్యంలో శుక్రవారం నిర్వహించిన క్రికెట్ టోర్నమెంట్‌ను టీపీసీసీ కోఆర్డినేటర్ దారా భాస్కర్, గ్రామ సర్పంచ్ గీతారాణిలు  ప్రారంభించారు.ఈ సందర్భంగా క్రీడాకారులను పరిచయం చేసుకుని టోర్నమెంట్‌ను ప్రారంభించారు.క్రీడలు యువతలో ఐకమత్యం,క్రమశిక్షణ,స్నేహభావాన్ని పెంపొందించడంతో పాటు శారీరక దృఢత్వానికి దోహదపడతాయని పేర్కొన్నారు.ఈ కార్యక్రమంలో సర్పంచ్ కమలమ్మ కుమార్,గ్రామ ఉపసర్పంచ్ హాజర్ అలీ,కృష్ణ,మెండే శ్రీను,శివాజీ అధిక సంఖ్యలో క్రీడాకారులు పాల్గొన్నారు.