national
జోధ్పూర్లో తరంగ్ శక్తి విన్యాసాలు: ఎఫ్-35 స్టెల్త్ ఫైటర్లతో రంగంలోకి దిగుతున్న అమెరికా వైమానిక దళం
సూర్య జాతీయ డెస్క్: భారత వైమానిక దళం (ఐఏఎఫ్) ఆధ్వర్యంలో దేశంలోనే అతిపెద్ద బహుపాక్షిక వైమానిక విన్యాసాలు 'తరంగ్ శక్తి 2026' రెండో ఎడిషన్కు రాజస్థాన్లోని జోధ్పూర్ ఎయిర్ ఫోర్స్ స్టేషన్ వేదికవుతోంది.
ప్రపంచవ్యాప్తంగా దాదాపు 40కి పైగా దేశాలు పాల్గొంటున్న ఈ మెగా ఎయిర్ ఎక్సర్సైజ్లో అమెరికా, ఫ్రాన్స్, ఆస్ట్రేలియా, జర్మనీ, గ్రీస్, యూఏఈ, బంగ్లాదేశ్ మరియు శ్రీలంక వంటి దేశాల వైమానిక దళాలు తమ అత్యాధునిక యుద్ధ విమానాలతో నేరుగా బరిలోకి దిగుతున్నాయి.
భారత వైమానిక దళం తరఫున స్వదేశీ పరిజ్ఞానంతో రూపొందించిన తేజస్ లైట్ కంబాట్ ఎయిర్క్రాఫ్ట్తో పాటు సుఖోయ్-30 ఎంకేఐ, రఫేల్, మిరాజ్-2000 యుద్ధ విమానాలు, అవాక్స్ (AWACS) నిఘా విమానాలు, మిడ్-ఎయిర్ రీఫ్యూయలింగ్ ట్యాంకర్లు ఈ ఉమ్మడి పోరాట డ్రిల్స్లో కీలక పాత్ర పోషించనున్నాయి.
