వీఆర్ఏల సమస్యలు పరిష్కరించాలి వల్లూరు.. తహసీల్దార్ కార్యాలయం ఎదుట ధర్నా..

వీఆర్ఏల సమస్యలు పరిష్కరించాలి

వల్లూరు.. తహసీల్దార్ కార్యాలయం ఎదుట ధర్నా..

వల్లూరు మేజర్ న్యూస్

తమ న్యాయమైన డిమాండ్లను ప్రభుత్వం వెంటనే పరిష్కరించాలని కోరుతూ వల్లూరు మండల పరిధిలోని వీఆర్ఏలు సోమవారం వల్లూరు తహసీల్దార్ కార్యాలయం సమీపంలో ధర్నా నిర్వహించారు. కార్యాలయం సమీపంలో శిబిరం ఏర్పాటు చేసి తమ సమస్యలను ప్రభుత్వం పట్టించుకోవాలని కోరారు. ఈ సందర్భంగా వీఆర్ఏలు మాట్లాడుతూ  అరకొర వేతనాలతో విధులు నిర్వహిస్తూ కుటుంబాలను పోషించుకోవడం ఇబ్బందిగా మారిందని ఆవేదన వ్యక్తం చేశారు. తక్కువ వేతనాలతో అధిక పనిభారం మోస్తున్నామని తెలిపారు. తమకు రావాల్సిన పదోన్నతులు, పే స్కేల్‌ వేతనాలు, ఇతర సమస్యలను ప్రభుత్వం వెంటనే పరిష్కరించాలని కోరారు. తమ న్యాయమైన డిమాండ్లను పరిష్కరించాలని ఇప్పటికే ప్రభుత్వానికి నోటీసులు ఇచ్చామని, అయినప్పటికీ స్పందన లేకపోవడంతో ధర్నా చేయాల్సి వచ్చిందని తెలిపారు. ప్రస్తుతం అధికారంలో ఉన్న కూటమి ప్రభుత్వం తమ సమస్యలను పరిష్కరిస్తుందనే ఆశాభావం వ్యక్తం చేశారు. ఇప్పటికైనా ప్రభుత్వం తమ సమస్యలను సానుకూలంగా పరిగణనలోకి తీసుకుని న్యాయమైన డిమాండ్లను పరిష్కరించి తమకు న్యాయం చేయాలని  కోరారు. ధర్నాలో పలువురు వీఆర్ఏలు పాల్గొన్నారు..