నేడు ఫిక్కీ వార్షిక సదస్సు.. ప్రారంభించనున్న ప్రధాని మోడీ
న్యూఢిల్లీ: భారత వాణిజ్య, పారిశ్రామిక మండళ్ల సమాఖ్య (ఫిక్కీ) వార్షిక సర్వసభ్య సమావేశం మరియు వార్షిక సదస్సు నేడు దేశ రాజధాని ఢిల్లీలోని భారత్ మండపంలో ఘనంగా జరగనుంది. ఉదయం 11 గంటలకు ప్రారంభమయ్యే ఈ కార్యక్రమానికి ప్రధానమంత్రి నరేంద్ర మోడీ ముఖ్య అతిథిగా హాజరై సదస్సును ప్రారంభించి, ప్రసంగించనున్నారు. 1927లో స్థాపితమైన ఫిక్కీ వందేళ్ల ప్రస్థానాన్ని పూర్తి చేసుకుంటున్న శతాబ్ది సంవత్సరానికి (2026-27) గుర్తుగా 'భారత్ 2047' ఇతివృత్తంతో ఈ ప్రత్యేక సదస్సును నిర్వహిస్తున్నారు. ఈ కార్యక్రమానికి 2,500 మందికి పైగా పారిశ్రామిక దిగ్గజాలు, వివిధ కంపెనీల సీఈవోలు, దౌత్యవేత్తలు, ప్రభుత్వ ఉన్నతాధికారులు హాజరుకానున్నారు.