ఇరాన్‌కు సహకరించిన భారత దంపతులపై అమెరికా ఆంక్షలు
సూర్య ఇంటర్నేషనల్ డెస్క్, వాషింగ్టన్: అంతర్జాతీయ ఆంక్షలను ధిక్కరించి ఇరాన్ చమురును అక్రమంగా విక్రయించేందుకు సహకరిస్తున్నారన్న ఆరోపణలతో భారత సంతతికి చెందిన ప్రముఖ వ్యాపారవేత్త, ఆయన భార్యతో పాటు పలు భారతీయ కంపెనీలపై అమెరికా ప్రభుత్వం కఠిన ఆంక్షలు విధించింది. భారతీయ వ్యాపారవేత్త సునీల్ కుమార్ శర్మ, ఆయన భార్య జస్ప్రీత్ ప్రీతి షాహిద్‌లను ఈ నెట్‌వర్క్ ప్రధాన సూత్రధారులుగా అమెరికా ట్రెజరీ విభాగం (US
ట్రంప్ యంత్రాంగం చేపట్టిన ప్రత్యేక అణచివేత చర్య 'ఆపరేషన్ ఎకనామిక్ అవుట్‌కాస్ట్' లో భాగంగా ఈ చర్యలు తీసుకున్నట్లు వాషింగ్టన్ అధికారికంగా ప్రకటించింది. ఇరాన్ చమురు ఎగుమతుల ద్వారా సమకూరే ఆదాయాన్ని పూర్తిగా స్తంభింపజేయడమే లక్ష్యంగా అమెరికా ఈ చర్యలకు ఉపక్రమించింది.
అమెరికా దర్యాప్తులో వెలుగుచూసిన కీలక అంశాలు:
బోగస్ సముద్ర రిజిస్ట్రేషన్లు – నకిలీ ఫ్లాగ్స్
చండీగఢ్ కేంద్రంగా పనిచేస్తున్న ఈ దంపతులు కనీసం 2014 నుంచి నకిలీ మారిటైమ్ రిజిస్ట్రేషన్లు, బోగస్ షిప్పింగ్ పత్రాలను సృష్టిస్తున్నట్లు అమెరికా ఆరోపించింది. గయానా, అరూబా, మాలి, మొజాంబిక్, మలావి, తైమూర్-లెస్టె వంటి దేశాల అనుమతి లేకుండానే.. ఆయా దేశాల మారిటైమ్ అథారిటీల పేరిట నకిలీ వెబ్‌సైట్లు, సంస్థలను నడుపుతూ నౌకలకు బోగస్ గుర్తింపు పత్రాలు (ఫ్లాగ్స్) జారీ చేసినట్లు తేలింది.
ఇరాన్ 'షాడో ఫ్లీట్'కు రక్షణ కవచం
ఈ నకిలీ పత్రాల సాయంతో ఇరాన్ మిలిటరీ, దాని ప్రాక్సీ నెట్‌వర్క్‌ల తరఫున చమురును రవాణా చేసే నౌకలు (ఇరాన్ షాడో ఫ్లీట్) అంతర్జాతీయ తనిఖీలను తప్పించుకుని, చట్టవిరుద్ధంగా ముడిచమురును ఇతర దేశాలకు తరలించేందుకు వీలు కల్పించారని ట్రెజరీ విభాగం పేర్కొంది. సరైన బీమా, భద్రతా ప్రమాణాలు లేని ఇటువంటి నౌకలు సముద్ర పర్యావరణానికి తీవ్ర ముప్పుగా మారాయని హెచ్చరించింది.
9 భారతీయ సంస్థలపై వేటు
సునీల్ శర్మ దంపతులతో పాటు వారి వ్యాపార నెట్‌వర్క్‌లో డైరెక్టర్లుగా వ్యవహరించిన అశ్విని కుమార్ ధీమాన్, ఇష్విందర్ సింగ్ అనే వ్యక్తులపై, అలాగే భారత్ కేంద్రంగా నడుస్తున్న 9 షిప్పింగ్, కన్సల్టెన్సీ కంపెనీలపై అమెరికా నిషేధం విధించింది.
Indiatimes
ఆంక్షల పర్యవసానాలు:
ఈ ఆంక్షల అమలుతో సునీల్ శర్మ నెట్‌వర్క్‌కు అమెరికా పరిధిలో ఉన్న అన్ని ఆర్థిక ఆస్తులు, బ్యాంకు ఖాతాలు పూర్తిగా స్తంభింపజేయబడతాయి. అంతేకాకుండా అమెరికా పౌరులు, విదేశీ బ్యాంకులు లేదా ఆర్థిక సంస్థలు వీరితో ఎలాంటి లావాదేవీలు నిర్వహించకుండా కఠిన నిషేధం అమలులోకి వస్తుంది. ఇరాన్ ముడిచమురు రవాణా నెట్‌వర్క్‌పై అమెరికా చేపట్టిన ఈ మెరుపు చర్య అంతర్జాతీయ షిప్పింగ్ రంగంలో కలకలం రేపింది.
