ఐరాస భద్రతా మండలిలో భారత్కు శాశ్వత సభ్యత్వం తప్పనిసరి
V4 దేశాల సంపూర్ణ మద్దతు!
సూర్య అంతర్జాతీయ డెస్క్: ఐక్యరాజ్యసమితి భద్రతా మండలిలో (UNSC) భారత్కు శాశ్వత సభ్యత్వం కల్పించాలనే డిమాండ్కు అంతర్జాతీయంగా మరో అత్యంత బలమైన మద్దతు లభించింది. ఐరోపా సమాఖ్యలోని కీలకమైన నాలుగు మధ్య ఐరోపా దేశాల కూటమి 'విసెగ్రాడ్ గ్రూప్' (V4—పోలాండ్, హంగరీ, స్లోవేకియా, చెక్ రిపబ్లిక్) భారత్కు శాశ్వత స్థానం కల్పించడాన్ని ఏకగ్రీవంగా సమర్థించింది. ఐక్యరాజ్యసమితి అత్యున్నత నిర్ణయాధికార మండలిలో భారత్కు “తప్పనిసరిగా స్థానం లభించి తీరాలి” అని స్లోవేకియా విదేశాంగ మంత్రి జురాజ్ బ్లానార్ స్పష్టం చేశారు.
న్యూయార్క్లో జరుగుతున్న ఐక్యరాజ్యసమితి సర్వసభ్య సమావేశం (UNGA) 81వ సెషన్ల సందర్భంగా తొలి V4+భారత్ విదేశాంగ మంత్రుల భేటీ ముగిసిన అనంతరం, భారత విదేశాంగ మంత్రి డాక్టర్ ఎస్. జైశంకర్తో కలిసి ఆయన మీడియా సమావేశంలో మాట్లాడారు. "గ్లోబల్ సౌత్లో అత్యంత కీలక భాగాలుగా, అలాగే ఇండో-పసిఫిక్ ప్రాంతంలో వేగంగా ఎదుగుతున్న అగ్రరాజ్యంగా భారత్ ఐరాస భద్రతా మండలిలోని నిర్ణయాధికార పీఠంపై శాశ్వత సభ్యురాలిగా కూర్చోవాలని V4 కూటమిలోని అన్ని దేశాలు పూర్తిస్థాయిలో ఏకీభవిస్తున్నాయి" అని బ్లానార్ పేర్కొన్నారు. స్లోవేకియా అధ్యక్షతన జరిగిన ఈ చారిత్రాత్మక సమావేశంలో జైశంకర్తో పాటు పోలాండ్, హంగేరీ, చెక్ రిపబ్లిక్ విదేశాంగ మంత్రులు పాల్గొన్నారు.
ఈ ప్రారంభ సమావేశంలో భారతదేశం మరియు వైసెగ్రాడ్ కూటమి మధ్య వాణిజ్యం, పటిష్టమైన సరఫరా గొలుసులు (సప్లై చైన్స్), రక్షణ మరియు భద్రత, ఐటీ, ఆవిష్కరణలు, విద్య, సాంస్కృతిక సంబంధాలు మరియు కనెక్టివిటీ రంగాలలో ద్వైపాక్షిక భాగస్వామ్యాన్ని సరికొత్త శిఖరాలకు తీసుకెళ్లేందుకు స్పష్టమైన ప్రణాళికను ఆమోదించారు. ఇకపై ప్రతి ఏటా విదేశాంగ మంత్రుల భేటీతో పాటు ఉమ్మడి వార్షిక బిజినెస్ ఫోరమ్ను నిర్వహించాలని నిర్ణయించారు. ప్రపంచ సవాళ్లను ఎదుర్కొనేందుకు బహుళపక్ష సంస్థలలో విస్తృత సంస్కరణలు తక్షణమే అవసరమని, గ్లోబల్ సౌత్ దేశాల ప్రయోజనాలను రక్షించడంలో భారత్ పాత్ర అతుపమానమని ఈ సందర్భంగా ప్రతినిధులు కొనియాడారు.
