నాని ‘ది ప్యారడైజ్’ మూవీ ఛాన్స్ ఎందుకు మిస్సయ్యిందో చెప్పిన అనంతిక సునీల్ కుమార్!
సూర్య ఎంటర్‌టైన్‌మెంట్ డెస్క్: టాలీవుడ్‌లో యువ నటిగా తనకంటూ ప్రత్యేక గుర్తింపు తెచ్చుకుంటున్న అనంతిక సునీల్ కుమార్ తాజాగా తన సినీ కెరీర్‌కు సంబంధించి కొన్ని ఆసక్తికర విషయాలను పంచుకున్నారు. నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కిన సంచలన చిత్రం ది ప్యారడైజ్ చిత్రంలో నటించే అరుదైన అవకాశం తనకు వచ్చిందని, అయితే కొన్ని వ్యక్తిగత మరియు వయసురీత్యా ఆ ఛాన్స్ చేజారిపోయిందని ఆమె వెల్లడించారు. ఈ వార్త ప్రస్తుతం టాలీవుడ్ వర్గాలతో పాటు సోషల్ మీడియాలో సైతం తీవ్ర చర్చనీయాంశంగా మారింది.
దర్శకుడు శ్రీకాంత్ ఓదెల తెరకెక్కించిన ఈ భారీ పీరియాడికల్ యాక్షన్ చిత్రంలో కీలకమైన పాత్ర కోసం ముందుగా తనను సంప్రదించారని అనంతిక తెలిపారు. అయితే ఆ పాత్రకు తగినట్లుగా తన రూపం చిన్నపిల్లలా ఉండటంతో పాటు కొన్ని కారణాల వల్ల ఆ సినిమాలో నటించే అవకాశం చేజారిపోయిందని ఆమె పేర్కొన్నారు. ఆ సమయంలో తనకు ఆఫర్ వచ్చినప్పటికీ, కథ డిమాండ్ చేసిన మేరకు కొన్ని పరిమితుల వల్ల ఆ ప్రాజెక్ట్‌లో భాగం కాలేకపోయానని ఆమె తెలిపారు. ఒక మంచి చిత్రంలో నటించే గొప్ప అవకాశం చేజారడం పట్ల తాను మొదట్లో కొంత నిరాశ చెందానని ఆమె మనసులోని మాటను బయటపెట్టారు.
సినిమా రంగంలో నిలదొక్కుకోవడానికి ప్రతి ఒక్క నటీనటులు ఎన్నో ఇబ్బందులను ఎదుర్కొంటారని, అలాగే ఒక్కోసారి అదృష్టం కూడా తోడుండాలని అనంతిక అభిప్రాయపడ్డారు. ప్రస్తుతం తాను పలు ఆసక్తికరమైన ప్రాజెక్ట్‌‌లతో బిజీగా ఉన్నానని, భవిష్యత్‌లో మరింత మంచి కథలను ఎంచుకుంటూ ప్రేక్షకులను అలరిస్తానని ఆమె ధీమా వ్యక్తం చేశారు. నాని వంటి స్టార్ హీరో చిత్రంలో వచ్చే గోల్డెన్ ఛాన్స్ మిస్సవడంపై ఈ యంగ్ హీరోయిన్ చేసిన వ్యాఖ్యలు ఇప్పుడు సినీ ప్రియుల దృష్టిని ఆకర్షిస్తున్నాయి.
