క్రేజీ కల్యాణం చిత్రం నుంచి ‘అల సెంద్రవంక’ ఆకట్టుకునే మెలోడీ సాంగ్ విడుదల

సూర్య ఎంటర్‌టైన్‌మెంట్ డెస్క్: టాలీవుడ్‌‌లో వైవిధ్యమైన కథాంశాలతో తెరకెక్కుతున్న సినిమాల్లో నరేష్ వీకే, అనుపమ పరమేశ్వరన్, తరుణ్ భాస్కర్ మరియు రాజ్ వెడ్స్ రాంబాయి ఫేమ్ అఖిల్ ఉడ్డెమారి ప్రధాన పాత్రల్లో నటిస్తున్న తాజా చిత్రం క్రేజీ కల్యాణం. యారో సినిమాస్ బ్యానర్‌పై ప్రొడక్షన్ నెం. 2గా పాషనేట్ ప్రొడ్యూసర్ బూసం జగన్ మోహన్ రెడ్డి అత్యంత ప్రతిష్టాత్మకంగా ఈ చిత్రాన్ని నిర్మిస్తున్నారు. దర్శకుడు బద్రప్ప గాజుల ఈ సినిమాను తెరకెక్కిస్తుండగా, తాజాగా చిత్ర యూనిట్ ఈ సినిమా నుంచి అల సెంద్రవంక అంటూ సాగే అద్భుతమైన ల్యాజికల్ సాంగ్‌ను శ్రోతల ముందుకు తీసుకువచ్చింది.

ఈ పాట విశేషాల విషయానికి వస్తే, ప్రముఖ సంగీత దర్శకుడు సురేష్ బొబ్బిలి ఈ మెలోడీ సాంగ్‌కు ఎంతో సుందరమైన ట్యూన్‌ను అందించారు. జి. వెంకన్న రాసిన ఆకట్టుకునే సాహిత్యం పాటకు మరింత వన్నె తెచ్చింది. సింగర్ అనురాగ్ కులకర్ణి తన మధురమైన గొంతుతో ఈ పాటను ఎంతో భావోద్వేగభరితంగా ఆలపించారు. అందం మురిసే, గంధం కురిసే పిల్లా నీ మేని సొగసులనే చూసి అంటూ సాగే ఈ గీతం శ్రోతలను ఇట్టే మంత్రముగ్ధులను చేస్తోంది. పాటలోని విజువల్స్ మరియు లిరిక్స్ సినిమాపై అంచనాలను ఒక్కసారిగా పెంచేశాయి.

ప్రేమ మరియు కుటుంబ బంధాల నేపథ్యంలో సాగే ఈ విభిన్న కథాచిత్రం త్వరలోనే ప్రేక్షకుల ముందుకు రానుంది. నరేష్ వీకే, అనుపమ పరమేశ్వరన్, తరుణ్ భాస్కర్ వంటి టాలెంటెడ్ నటీనటులు కలిసి నటిస్తుండటంతో ఈ ప్రాజెక్ట్‌పై టాలీవుడ్‌లో మంచి బజ్ ఏర్పడింది. ఇప్పటికే విడుదలైన ప్రచార చిత్రాలకు ప్రేక్షకుల నుంచి అద్భుతమైన స్పందన లభించగా, తాజాగా విడుదలైన ఈ లిరికల్ సాంగ్ సినిమాపై క్యూరియాసిటీని మరింత పెంచేసింది. త్వరలోనే చిత్రబృందం సినిమా విడుదలకు సంబంధించిన పూర్తి వివరాలను అధికారికంగా ప్రకటించనుంది.