వ్యభిచార ముఠా గుట్టురట్టు -శ్రీనివాస గెస్ట్ హౌస్ పై పోలీసుల మెరుపు దాడి -మేనేజర్ సహా ముగ్గురు అరెస్ట్ - రూ.28 వేలు స్వాధీనం -శ్రీనివాస గెస్ట్ హౌస్ మూసివేతకు ఆర్డీవోకు లేఖ

అసాంఘిక కార్యకలాపాలకు పాల్పడితే ఎంతటి వారైనా ఉపేక్షించేది లేదని జిల్లా ఎస్పీ ఎల్ సుబ్బారాయుడు హెచ్చరించారు. ఎస్పీ ఆదేశాల మేరకు జిల్లాలో అసాంఘిక కార్యకలాపాలపై పోలీసులు ఉక్కుపాదం మోపుతున్నారు. అలిపిరి పోలీసులు శుక్రవారం రాత్రి శివజ్యోతి నగర్ లోని శ్రీనివాస గెస్ట్ హౌస్ పై దాడి చేసి వ్యభిచార కార్యకలాపాలను బట్టబయలు చేశారు.విశ్వసనీయ సమాచారంతో సబ్ డివిజన్ పోలీసు అధికారి అనుమతితో తనిఖీలు నిర్వహించగా, మొదటి అంతస్తులోని మూడు గదుల్లో అనుమానాస్పదంగా ఉన్న ముగ్గురు పురుషులు, నలుగురు మహిళలను గుర్తించారు. గెస్ట్ హౌస్ మేనేజర్ శంకర్ 37, చింత కదిరయ్య 35, సుంకర లక్ష్మీపతి 29, మాదిరి హరి 31 పోలీసులు అరెస్టు చేశారు.ఈ సందర్భంగా చేపట్టిన విచారణలో మేనేజర్ వివిధ ప్రాంతాల నుంచి మహిళలను తీసుకొచ్చి వ్యభిచారానికి అవకాశం కల్పిస్తూ విటుల నుంచి డబ్బులు వసూలు చేస్తున్నట్లు తేలింది. ఘటనా స్థలంలో రూ.28,000 నగదు (మేనేజర్ వద్ద రూ.22,000, విటుల వద్ద రూ.6,000) స్వాధీనం చేసుకున్నారు. వీరిపై కేసు నమోదు చేసి దర్యాప్తు చేస్తున్నారు. మహిళలను బాధితులుగా గుర్తించి వైద్య పరీక్షలు నిర్వహిస్తున్నారు. ఈ కేసులో సంతోషి లక్ష్మీకాంతం పాత్రపై కూడా దర్యాప్తు జరుగుతోంది. వ్యభిచారానికి వేదికగా మారిన శ్రీనివాస గెస్ట్ హౌస్ ను మూసివేయాలని ఆర్డీవోకు లేఖ రాయనున్నట్లు అలిపిరి పోలీసులు తెలిపారు. ఇలాంటి అసాంఘిక కార్యకలాపాలపై సమాచారం ఉంటే 112కు తెలియజేయాలని ప్రజలకు సూచించారు.

సీఎం గౌడ్ తిరుపతి ప్రతినిధి