వంశధార కు భారీ వరదలు

*జలదిగ్బందం లో పెనుగోటివాడ,మాతల గ్రామాలు.
*15 తీర ప్రాంతాల గ్రామాల్లో సుమారు మూడు వేల ఎకరాల్లో ఖరీఫ్ వరి ముంపు.
*ఒడిశా ఆంధ్ర రాకపోకలు బంద్.
*నివగాం -గులుమూరు రహదారిపై సుమారు అర కిలోమీటర్లు పొడవున వరదనీరు.
*రాకపోకలు పై కొత్తూరు పోలీసులు పటిష్ట చర్యలు.
కొత్తూరు అక్టోబర్ 29(మేజర్ న్యూస్) బంగాళాఖాతం లో ఏర్పడిన ఆర్నాబ్ తుఫాన్ కారణంగా గత రెండు రోజులు గా కురుస్తున్న భారీ వర్షాలకు వంశధార నదికి భారీ వరదలు వచ్చాయి.గురువారం మధ్యాహ్నం పన్నెండు గంటలకు నదిలో 76వేల క్యూసెక్కుల వరదనీరు ప్రవహిస్తుంది.నివగాం -గులుమూరు రహదారి పై సుమారు అర కిలోమీటరు పొడవున వరద నీరు ప్రవహించడం తో ఆకులతంపర 
మదనాపురం,సోమరాజపురం,అంగూరు గ్రామాలకు నివగాం తో తత్సంబంధాలు నిలిచిపోయాయి.మాతల -నివగాం ఆర్ అండ్ బి రహదారి పై సుమారు మూడు,నాలుగు అడుగులు నీరు వరద నీరు ప్రవహించడం తో ఆంధ్రా తో ఒడిశా కు రాకపోకలు నిలిచి పోవడం ప్రజలు నానా ఇబ్బందులు ఎదుర్కొన్నారు. పెనుగోటి వాడ గ్రామం చుట్టూ వరదనీరు ప్రవహించడం తో బాహ్య ప్రపంచం తో తత్సంభాంధాలు తెగిపోయాయి. సిర్సువాడ ,కుంటిభద్ర,వసప,నివగాం,మాతల ,మదనాపురం ,ఆకులతంపర , మాకవరం ,పొనుటూరు ,కుద్దిగాం ,కడుము,హంస, వీరానారాయణ పురం,గ్రామాల్లో సుమారు మూడునుండి ఐదు వేల ఎకరాల్లో ఖరీఫ్ వరి ,అరటి ,చెరకు,కూరగాయ పంటలు నీట మునిగి పోయాయి. నివగాం -మాతల గ్రామాల మధ్య భారీ వరద నీరు ప్రవహించడం తో ఎటువంటి అవానంచనీయ సంఘటనలు జరగకుండా కొత్తూరు సర్కిల్ ఇన్స్పెక్టర్ చింతాడ ప్రసాదరావు ,సబ్ ఇనెస్పెక్టర్ వెంకటేష్ రాకపోకలను పర్యవేక్షించారు.
సాయంత్రం అరునుండి గంటలు నుండి రాకపోకలను యస్ ఐ వెంకటేష్ నిలిపివేశారు. టెక్కలి ఆర్డీఓ యం వెంకటేశ్వరరావు , డి యస్ పి దాసరి లక్ష్మణ రావు వరద ప్రాంతాలను సందర్శించారు. ఎటువంటి ప్రాణ నష్టం జరగకుండా చర్యలు తీసుకోవాలని అధికారులను ఆదేశించారు. పంట పొలాలు నీట మునిగాయని,నీరు తగ్గిన తర్వాత నష్టాలను అంచనా వేయడం జరుగుతుందని ఆర్ డి ఓ వెల్లడించారు. ముందస్తు చర్యలు భాగంగా యస్ డి ఆర్ యఫ్ దళాలను రప్పించారు.ఈ దళాలు వరద ప్రాంతాలను పర్యవేక్షించారు.వరద పరిస్థితులను తహసీల్దార్ పి సరోజిని, ప్రత్యేక అధికారి అన్నాదొర,సమీక్షించి ఎప్పటికప్పుడు జిల్లా ఉన్నతధికారులకు సమాచారం తెలియ జేస్తున్నారు.