విజయనగర అభివృద్ధికి యువత రాజకీయాల్లోకి రావాలి

విజయనగరం, సూర్య: స్థానిక ఎన్నికల్లో వైఎస్సార్ కాంగ్రెస్ పార్టీ తరఫున మేయర్ అభ్యర్థిగా పోటీ చేయనున్న శ్రీమతి కోలగట్ల శ్రావణి  శనివారం 3వ డివిజన్‌లోని పూల్‌బాగ్ కాలనీ, 23వ డివిజన్‌లోని జమ్ము పరిసర ప్రాంతాల్లో ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ, మాజీ ముఖ్యమంత్రి, వైఎస్సార్ కాంగ్రెస్ పార్టీ అధినేత  వైఎస్ జగన్మోహన్ రెడ్డి పిలుపు మేరకు యువత రాజకీయాల్లోకి వచ్చి ప్రజాసేవలో చురుకైన పాత్ర పోషించాలని ఆకాంక్షించారు. తన తండ్రి, మాజీ డిప్యూటీ స్పీకర్  కోలగట్ల వీరభద్ర స్వామి  అడుగుజాడల్లో నడుస్తూ, విజయనగరం నగర అభివృద్ధికి తన వంతు కృషి చేసేందుకు ప్రజలు తనకు అవకాశం కల్పించాలని కోరారు. రానున్న స్థానిక ఎన్నికల్లో ప్రజలు తమ అమూల్యమైన రెండు ఓట్లను ఫ్యాన్ గుర్తుపై వేసి, వైఎస్సార్ కాంగ్రెస్ పార్టీ అభ్యర్థులను అత్యధిక మెజారిటీతో గెలిపించాలని ఆమె విజ్ఞప్తి చేశారు. ఈ కార్యక్రమంలో 3వ డివిజన్ వైఎస్సార్ కాంగ్రెస్ పార్టీ కార్పొరేటర్ అభ్యర్థి బండారు ఆనంద్, 23వ డివిజన్ వైఎస్సార్ కాంగ్రెస్ పార్టీ కార్పొరేటర్ అభ్యర్థి పొదిలాపు భాగ్యలక్ష్మి, పార్టీ నాయకులు, ముఖ్య కార్యకర్తలు పాల్గొన్నారు.