వెల్దుర్తి ఐసీడీఎస్ ప్రాజెక్టుకు మూడు బెస్ట్ అవార్డులు

కర్నూలు (సూర్య ప్రతినిధి మేజర్ న్యూస్): కర్నూలు నగరంలోని సునయన ఆడిటోరియంలో ఐసీడీఎస్ జిల్లా ప్రాజెక్ట్ స్థాయిలో నిర్వహించిన 9వ జాతీయ పోషణ మాసోత్సవ ముగింపు కార్యక్రమంలో వెల్దుర్తి ప్రాజెక్టు విశేష ప్రతిభ కనబరిచి మూడు కీలక అవార్డులను కైవసం చేసుకుంది. జిల్లా కలెక్టర్ శ్రీమతి సిరి మేడమ్ ఆధ్వర్యంలో ఈ వేడుకలు ఘనంగా జరిగాయి.పోషణ మాసోత్సవంలో భాగంగా చేపట్టిన అన్ని కార్యక్రమాలను ముందుండి నడిపించి, వెల్దుర్తి ప్రాజెక్టును జిల్లాలోనే మొదటి స్థానంలో నిలిపినందుకు గాను వెల్దుర్తి ప్రాజెక్ట్ సీడీపీఓ శ్రీ పి. లూక్ గారికి కలెక్టర్ చేతుల మీదుగా "బెస్ట్ ఛాంపియన్" అవార్డు లభించింది.అలాగే వెల్దుర్తి-8 అంగన్వాడీ కేంద్రానికి చెందిన అంగన్వాడీ కార్యకర్త కొండ రేణుకమ్మకు "ఉత్తమ టీచర్" అవార్డు దక్కగా, ఇదే కేంద్రానికి చెందిన శ్రీమతి సరస్వతిని "బెస్ట్ తల్లి"గా ఎంపిక చేసి కలెక్టర్ గారి చేతుల మీదుగా ఘనంగా సన్మానించారు.ఇదే వేదికపై కలగొట్ల గ్రామం 2వ అంగన్వాడీ కేంద్రానికి చెందిన తుపాకుల విక్రమ్ కుమార్ (7 నెలల బాబు)కు జిల్లా కలెక్టర్ సిరి మేడమ్ సొంత చేతులతో అన్నప్రాసన గావించారు.ఒకే ప్రాజెక్టుకు ఐసీడీఎస్ జిల్లా స్థాయిలో మూడు అవార్డులు రావడం పట్ల వెల్దుర్తి ప్రాజెక్ట్ సిబ్బంది, తోటి అంగన్వాడీ టీచర్లు మరియు సూపర్వైజర్లు తీవ్ర హర్షం వ్యక్తం చేస్తూ, అవార్డు గ్రహీతలకు ప్రత్యేక శుభాకాంక్షలు తెలియజేశారు.