వన్‌టౌన్ పోలీస్ స్టేషన్‌లో ఘనంగా గాంధీ జయంతి వేడుకలు
ప్రొద్దుటూరు అర్బన్ మేజర్ న్యూస్:
పట్టణంలోని వన్‌టౌన్ పోలీస్ స్టేషన్‌లో జాతిపిత మహాత్మా గాంధీ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా స్టేషన్‌లో ఏర్పాటు చేసిన మహాత్మా గాంధీ చిత్రపటానికి వన్‌టౌన్ సీఐ కొండారెడ్డి పూలమాల వేసి ఘనంగా నివాళులర్పించారు. ఈ సందర్భంగా సీఐ కొండారెడ్డి మాట్లాడుతూ మహాత్మా గాంధీ దేశానికి అందించిన సేవలు, ఆయన పాటించిన సత్యం, అహింస సిద్ధాంతాలు నేటి సమాజానికి కూడా ఆదర్శప్రాయమన్నారు. గాంధీజీ ఆశయాలను ప్రతి ఒక్కరూ ఆదర్శంగా తీసుకుని సత్యం, అహింస మార్గంలో నడవాలని సూచించారు. సమాజంలో శాంతి, సామరస్యాలను పెంపొందించేందుకు ప్రతి ఒక్కరూ తమ వంతు బాధ్యతను నిర్వర్తించాలని పేర్కొన్నారు. గాంధీజీ చూపిన మార్గం భావితరాలకు స్ఫూర్తిదాయకమని, ఆయన సిద్ధాంతాలను ఆచరణలో పెట్టడం ద్వారా సమాజంలో సానుకూల మార్పు సాధ్యమవుతుందని తెలిపారు. కార్యక్రమంలో వన్‌టౌన్ పోలీస్ స్టేషన్ సిబ్బంది పాల్గొని మహాత్మా గాంధీకి నివాళులర్పించారు.
