వైసిపి ఎంపీటీసీల గెలుపుకు కృషి చేయాలి

పాచిపెంట, అక్టోబర్ 27, మేజర్ న్యూస్:;వైయస్సార్ పార్టీ అడ్వైజర్ కమిటీ మెంబర్, మాజీ డిప్యూటీ సీఎం పీడిక రాజన్న దొర ఆశీస్సులు మేరకు పాచిపెంట మండల ఎంపీపీ అభ్యర్థిగా డోల బాబ్జి(తాను), జడ్పిటీసీ అభ్యర్థిగా కలువులపల్లి పుష్ఫ పోటీలో ఉన్నారని వారిని మీ అమూల్యమైన ఓటు వేసి అత్యధిక మెజార్టీతో గెలిపించాలని వైసిపి ఎంపీపీ అభ్యర్థి డోల బాబ్జి మండల ప్రజలకు పిలుపునిచ్చారు. మంగళవారం స్థానిక పార్టీ కార్యాలయంలో జడ్పీటీసీ అభ్యర్థితో పాటు 14 మంది ఎంపీటీసీలు అభ్యర్థులు హాజరయ్యారు. ఈ సందర్భంగా ఆయన మాట్లాడుతూ మీరంతా కష్టపడితే గెలుపు సాధ్యపడుతుందని, అలాగే తెలుగుదేశం ప్రభుత్వం ప్రజా వ్యతిరేక విధానాలను ఎండ గట్టాలని, ఇచ్చిన హామీలు నెరవేర్చని చంద్రబాబు నాయుడు మోసాలను ప్రజలకు తెలియజేయాలని కోరారు. మన పార్టీ అధినేత  వైయస్ జగన్ మోహన్ రెడ్డి ఆశయం మేరకు అన్ని ఎంపీటీసీ సెగ్మెంట్లలో అభ్యర్థులను పోటీలో నిలబెట్టాలనేదే ఆయన ఆశయమని అందుకే మనమంతా కష్టపడి ఓటర్ల వద్దకు వెళ్లి వారి మనసు చూరగొని మరో రెండేళ్లలో మన పార్టీ అధికారంలోకి వస్తే మండలంలో నెలకొన్న సమస్యలన్నీ పరిష్కారం చేస్తామని తెలిపారు. జడ్పిటిసి అభ్యర్థిగా పుష్ప, పాంచాలి పెద్ద గ్రామంలో పోటీ చేయడము అత్యంత శుభ సూచికమని మనమంతా తెలుగు దేశం ఎంపీటీసీ అభ్యర్థులుపై గెలుపొంది మన మండల అభివృద్ధికి ప్రతీ ఒక్కరూ కృషి చేయాలని బాబ్జి కోరారు. చంద్రబాబు నాయుడు ప్రభుత్వం ఏర్పడి రెండున్నర ఏళ్ళు దాటినా ప్రజలకు ఉపయోగము లేదని అందుకే మనమంతా అధికారంలో ఉన్న తెలుగుదేశం పార్టీ అభ్యర్థులు ఓటమికి నడుం కట్టాలన్నారు.పాచి పెంట మండలం వైయస్సార్ పార్టీకి కంచు కోట అన్నారు. ప్రతీ ఇంటికి ప్రతీ గడపకి వెళ్లి ఓటర్లను కలిసి ఓటు అడగాలని అవకాశం ఇస్తే అభివృద్ధి చేస్తామని చెప్పాలని ఎంపీటీసీ అభ్యర్థులకు బాబ్జి సలహాలు సూచనలు ఇచ్చారు. ఈ కార్యక్రమానికి మండల వైయస్సార్ పార్టీ అధ్యక్షులు గొట్టాపు ముత్యాలు నాయుడు,వైఎస్ఆర్ పార్టీ జిల్లా కార్యదర్శి పెద్దిబాబు, మాజీ వైస్ ఎంపీపీ తట్టికాయల గౌరీశ్వరరావు, మర్రి ఉమామహేశ్వరరావు, పాచిపెంట టౌను ప్రెసిడెంట్ మజ్జి వెంకట్రావు, దండి ఈశ్వరరావు, పాచిపెంట శ్రీనివాసరావు, పలువురు వైసీపీ నాయకులు, కార్యకర్తలు అభిమానులు ప్రజలు తదితరులు హాజరయ్యారు.