వైసీపీ మాజీ మంత్రులకు ఆహ్వానం

పులివెందులలో నూతనంగా నిర్మించిన రిజర్వాయర్ ప్రారంభోత్సవానికి వైసీపీ మాజీ మంత్రులు హాజరుకావాలని జనసేన పార్టీ నియోజకవర్గ ఇన్చార్జి కిరణ్ రాయల్ పిలుపునిచ్చారు. గురువారం ప్రెస్ క్లబ్ లో ఏర్పాటు చేసిన విలేకరుల సమావేశంలో ఆయన వైసీపీ మాజీ మంత్రులకు ఆహ్వాన పత్రికలను ఆవిష్కరించి ఆహ్వానించారు. పులివెందులలో 450 కోట్లతో ప్రభుత్వం డ్యాంను నిర్మించిందని, ఆ ప్రారంభోత్సవానికి వైసీపీ నాయకులందరికీ ఆహ్వానమని చెప్పారు. వైసిపి"అసెంబ్లీకి ఎలాగో రావడం లేదు, కనీసం జగన్మోహన్ రెడ్డి సొంత నియోజకవర్గంలో జరుగుతున్న అభివృద్ధి కార్యక్రమాలకైనా రండి" అని ఎద్దేవా చేశారు. ఆంధ్రప్రదేశ్ లో గతంలో ద్విచక్ర వాహనం కూడా పోలేని చోట కార్లు, బస్సులు నడిచేలా డిప్యూటీ సీఎం పవన్ కళ్యాణ్ రోడ్లు అభివృద్ధి చేశారని, గ్రామీణ ప్రాంతాల్లో కూడా రోడ్లు వేస్తున్నారని తెలిపారు. నియోజకవర్గం ఎవరిదైనా ప్రజల కోసమే ప్రభుత్వం పనిచేస్తోందని, పులివెందులలో అభివృద్ధిని ఎమ్మెల్యే జగన్మోహన్ రెడ్డి గాలికొదిలేశారని విమర్శించారు. జగన్ లాగా రాజకీయ కక్షపూరితంగా కూటమి ప్రభుత్వం వ్యవహరించడం లేదన్నారు. ఈ సమావేశంలో తాతయ్యగుంట పాలకమండలి సభ్యుడు రుద్ర కిషోర్, జనసేన 44 వార్డు అధ్యక్షుడు సాయి దేవ్, 16వ వార్డు అధ్యక్షుడు మనోజ్ పాల్గొన్నారు.