ప్రతి సమస్యకు పరిష్కారం చూపుతాం.. అహుడ చైర్మన్ టి సి వరుణ్

(మల్లికార్జున నేటి దినపత్రిక సూర్య స్టాఫ్ రిపోర్టర్)

ప్రజలు తమ సమస్యలను గ్రీవెన్స్ ద్వారా తెలియజేస్తే సత్వర పరిష్కారానికి చర్యలు తీసుకుంటామని అహుడా చైర్మన్ టి.సి. వరుణ్ తెలిపారు. అనంతపురం రూరల్‌లోని రామకృష్ణ కాలనీకి చెందిన బాధితులు గురువారం అహుడా గ్రీవెన్స్‌లో చైర్మన్‌ను కలిసి తమ సమస్యలను వివరించారు.
వారి సమస్యలను విన్న టి.సి. వరుణ్, గత ప్రభుత్వ హయాంలో నిర్లక్ష్యానికి గురైన సమస్యలను సైతం పరిశీలించి పరిష్కరిస్తామని తెలిపారు. సంబంధిత అధికారులు సత్వర చర్యలు చేపట్టాలని అహుడా అధికారులను ఆదేశించారు. చైర్మన్ స్పందనపై బాధితులు సంతృప్తి వ్యక్తం చేశారు. కార్యక్రమంలో అహుడా కార్యదర్శి, ప్లానింగ్ ఆఫీసర్ ఇషాక్ తదితరులు పాల్గొన్నారు.