వైఎస్సార్ కాంగ్రెస్ పార్టీ ముఖ్య నాయకుల అంతర్గత సమావేశం

జంగారెడ్డిగూడెం- సూర్య న్యూస్ పట్టణ  మంగళవారం పట్టణ పార్టీ అధ్యక్షుడు కర్పూరం గవరయ్య గుప్తా అధ్యక్షతన వైఎస్సార్ కాంగ్రెస్ పార్టీ ముఖ్య నాయకుల అంతర్గత సమావేశం శీమకుర్తి శ్రీనివాసరావు కార్యాలయంలో మంగళవారం జరిగింది. ముఖ్య అతిథులుగా చింతలపూడి నియోజకవర్గ ఇన్‌చార్జి కంభం విజయరాజు, మచిలీపట్నం పార్లమెంటు పరిశీలకుడు జెట్టి గురునాథరావు, రాష్ట్ర సంయుక్త కార్యదర్శి వీవీఆర్ చౌదరి హాజరయ్యారు.ఈ సందర్భంగా జంగారెడ్డిగూడెం మున్సిపల్ చైర్మన్ అభ్యర్థులుగా పోటీ చేసేందుకు ఆసక్తి చూపుతున్న ఆశావహుల వివరాలను నాయకులు తెలుసుకున్నారు. పట్టణంలో పార్టీ పరిస్థితి, మున్సిపల్ పరిధిలో పార్టీ అభివృద్ధి, రానున్న స్థానిక రాజకీయ పరిణామాలపై చర్చించారు.సమావేశంలో మాట్లాడిన ఆశావహులు పార్టీ అధినేత వైఎస్‌ జగన్మోహన్‌రెడ్డి నిర్ణయానికి కట్టుబడి ఉంటామని కంభం విజయరాజు, జెట్టి గురునాథరావుకు తెలిపారు. పార్టీ నిర్ణయానికి అనుగుణంగా పనిచేస్తామని తమ అభిప్రాయాన్ని వెల్లడించారు.ఈ కార్యక్రమంలో యువ నాయకుడు జెట్టి సత్య ఆదిత్య, మాజీ జెడ్పీటీసీ సభ్యుడు ముప్పిడి శ్రీనివాసరావు, శీమకుర్తి శ్రీనివాసరావు, సాయి తదితరులు పాల్గొన్నారు.

 రిపోర్టర్:కె.వి రమణారావు జంగారెడ్డిగూడెం ఏలూరు జిల్లా