స్థానిక సంస్థల ఎన్నికలకు కార్యకర్తలు సిద్ధం కావాలి

పామూరు, మేజర్ న్యూస్ : 

స్థానిక సంస్థల ఎన్నికలకు తెలుగుదేశం పార్టీ శ్రేణులు సమాయత్తం కావాలని గ్రామస్థాయి నుంచి పార్టీని మరింత బలోపేతం చేయాలని తెలుగుదేశం పార్టీ  పామూరు మండల మాజీ  అధ్యక్షులు పువ్వాడి వెంకటేశ్వర్లు పిలుపునిచ్చారు. కనిగిరి ఎమ్మెల్యే  డాక్టర్ ముక్కు ఉగ్ర నరసింహారెడ్డి ఆదేశాల మేరకు బోడవాడ ఎంపీటీసీ పరిధిలోని అయ్యవారిపల్లి, బోడవాడ, అయ్యన్నకోట పంచాయతీలకు చెందిన నాయకులు, కార్యకర్తలతో గురువారం సాయంత్రం స్థానిక సంస్థల ఎన్నికల సన్నాహక సభలో ఆయన మాట్లాడారు.గ్రామస్థాయిలో పార్టీ శ్రేణులు ఐక్యంగా పనిచేస్తూ స్థానిక సంస్థల ఎన్నికలకు పటిష్టంగా సిద్ధం కావాలని పువ్వాడి వెంకటేశ్వర్లు సూచించారు. ప్రతి గ్రామంలో పార్టీ కార్యక్రమాలను ప్రజల్లోకి విస్తృతంగా తీసుకెళ్లాలని, నాయకులు, కార్యకర్తలు సమన్వయంతో ముందుకు సాగాలని అన్నారు. బోడవాడ ఎంపీటీసీ పరిధిలోని అయ్యవారిపల్లి, బోడవాడ, అయ్యన్నకోట పంచాయతీల్లో పార్టీని మరింత బలోపేతం చేసేందుకు కృషి చేయాలని పిలుపునిచ్చారు.

ఈ సందర్భంగా రాష్ట్ర తెలుగుదేశం పార్టీ విభిన్న ప్రతిభావంతుల ప్రధాన కార్యదర్శి అడుసుమల్లి ప్రభాకర్‌ చౌదరి, కనిగిరి వ్యవసాయ మార్కెట్‌ కమిటీ వైస్‌ చైర్మన్‌ పాలపర్తి వెంకటేశ్వర్లు, సింగిల్‌ విండో మాజీ అధ్యక్షులు బైరెడ్డి జయరామిరెడ్డి, ఒంగోలు పార్లమెంటు తెలుగుదేశం పార్టీ అధికార ప్రతినిధి యారవ సంజీవ ప్రసాద్‌రెడ్డి,పువ్వాడి వెంకటేశ్వర్లు బిల్డర్‌, మార్నేని రామకృష్ణ, దొడ్డ కోటిలింగం, వేమూరి ప్రభాకర్‌, మార్నేని మాలకొండయ్య, దండబోయిన మల్లికార్జున, వేమూరివీన్‌, తూమాటి సుభాస్కరరావు, శ్రీనివాసరెడ్డి, జింక మధు తదితరులు పాల్గొన్నారు.