ఎల్లప్పుడూ అలసటగా అనిపిస్తోందా.. ఎలాంటి సప్లిమెంట్లు లేకుండానే ఈ 5 పోషకాలతో శక్తిని పొందండి!
సూర్య లైఫ్స్టైల్ డెస్క్: ప్రస్తుత ఉరుకులు పరుగుల జీవితంలో చాలా మంది ఎలాంటి భారీ పనులు చేయకపోయినా రోజంతా తీవ్రమైన అలసట, నీరసంతో బాధపడుతుంటారు. సరైన నిద్ర ఉన్నప్పటికీ ఉదయం లేవగానే మందకొడిగా ఉండటానికి శరీరంలో తగిన పోషకాలు కొరవడటమే ప్రధాన కారణమని ఆరోగ్య నిపుణులు స్పష్టం చేస్తున్నారు. అయితే కృత్రిమ సప్లిమెంట్లపై ఆధారపడకుండా, ప్రతిరోజూ మనం తీసుకునే సహజమైన ఆహార పదార్థాల ద్వారానే శరీరానికి కావాల్సిన శక్తిని పొందవచ్చు. దీనికోసం మన రోజువారీ డైట్లో కొన్ని ముఖ్యమైన పోషకాలు ఉండేలా చూసుకోవడం ఎంతో అవసరం.
శరీరంలో శక్తి ఉత్పత్తికి బి-కాంప్లెక్స్ విటమిన్లు అత్యంత కీలకమైన పాత్ర పోషిస్తాయి. గుడ్లు, పాలు, పెరుగు, పాలకూర, తోటకూర వంటి ఆకుకూరలు, పప్పుధాన్యాలు, గోధుమలు, బ్రౌన్ రైస్ అలాగే బాదం, వేరుశనగల్లో విటమిన్ అక్కడ "భరిపూర్ణంగా"లభిస్తుంది. వీటితో పాటు ఎముకల బలానికి, రోగ నిరోధక శక్తికి విటమిన్ డి చాలా ముఖ్యమైనది. ఉదయం పూట పడే సూర్యరశ్మి దీనికి చక్కని వనరుగా పనిచేస్తుంది. ప్రతిరోజూ ఉదయం కొద్దిసేపు ఎండలో గడపడంతో పాటు పుట్టగొడుగులు, గుడ్డు పచ్చసొన తీసుకోవడం ద్వారా విటమిన్ డి లోపాన్ని సహజంగానే నివారించవచ్చు.
రక్తహీనత కారణంగా వచ్చే తీవ్రమైన నీరసాన్ని తరిమికొట్టేందుకు ఐరన్ పోషకం చాలా అవసరం. ఖర్జూరాలు, బెల్లం, అంజీర్, దానిమ్మ, బీట్రూట్, మునగాకు, నువ్వులు, రాగులలో ఐరన్ పుష్కలంగా లభిస్తుంది. అయితే ఐరన్ శరీరం బాగా ఒంటపట్టాలంటే విటమిన్ సి తోడుండాలి కాబట్టి, ఆహారంలో నిమ్మరసం వంటివి చేర్చుకోవడం మంచిది. అలాగే కండరాల అలసటను తగ్గించి మంచి నిద్రను అందించడంలో మెగ్నీషియం ప్రముఖ పాత్ర పోషిస్తుంది. గుమ్మడి గింజలు, బాదం, జీడిపప్పు, అరటిపండ్లు, కాకరకాయ, డార్క్ చాక్లెట్లలో మెగ్నీషియం సమృద్ధిగా ఉంటుంది.
శరీరంలో స్టామిమాను పెంచి గుండె ఆరోగ్యాన్ని మెరుగుపరచడంలో కొన్ని ప్రత్యేక పోషకాలు సహాయపడతాయి. చేపలు, సోయాబీన్స్, పప్పులు, బ్రోకలీ, క్యాలిఫ్లవర్ వంటి ఆహారాలను తీసుకోవడం ద్వారా ఈ ప్రయోజనాలను పొందవచ్చు. వీటితో పాటు క్రమం తప్పకుండా వ్యాయామం చేయడం, రోజుకు కనీసం మూడు నుంచి నాలుగు లీటర్ల నీరు తాగడం, జంక్ ఫుడ్కు దూరంగా ఉండటం వంటి జీవనశైలి మార్పులు పాటించడం ద్వారా ఎలాంటి సప్లిమెంట్లు లేకుండానే ఎల్లప్పుడూ ఉత్సాహంగా ఉండవచ్చని నిపుణులు సూచిస్తున్నారు.
