సంగంలో 15వ రోజుకు చేరిన వీఆర్ఏల ధర్నా

సమస్యలు పరిష్కరించాలంటూ మహాత్మా గాంధీ, పొట్టి శ్రీరాములు, అంబేద్కర్ విగ్రహాలకు వినతిపత్రాలు

సంగం మేజర్ న్యూస్ :  సంగం తహసీల్దార్ కార్యాలయం వద్ద గ్రామ రెవెన్యూ సహాయకులు వీఆర్ఏలు చేపట్టిన నిరసన కార్యక్రమం బుధవారానికి 15వ రోజుకు చేరుకుంది. తమ న్యాయమైన డిమాండ్లను ప్రభుత్వం పరిష్కరించాలని కోరుతూ వీఆర్ఏలు నిరసన కొనసాగించారు. ఈ సందర్భంగా తమ సమస్యలను ప్రభుత్వం దృష్టికి తీసుకెళ్లేందుకు మహాత్మా గాంధీ, పొట్టి శ్రీరాములు, డాక్టర్ బి.ఆర్. అంబేద్కర్ విగ్రహాలకు వీఆర్ఏలు వినతిపత్రాలు సమర్పించారు. తమ సమస్యలు, గోడును ప్రభుత్వం ఆలకించి తగిన పరిష్కారం చూపాలని వారు విజ్ఞప్తి చేశారు.  వీఆర్ఏలుగా ఎన్నో సంవత్సరాలుగా గ్రామస్థాయిలో రెవెన్యూ సేవలు అందిస్తున్నామని, తమ న్యాయమైన డిమాండ్లను ప్రభుత్వం సానుకూలంగా పరిశీలించాలని కోరారు. ముఖ్యమంత్రి, ఉప ముఖ్యమంత్రి తమ సమస్యలపై స్పందించి న్యాయం చేయాలని విజ్ఞప్తి చేశారు.
తమ డిమాండ్లు పరిష్కారం అయ్యే వరకు నిరసన కార్యక్రమాన్ని కొనసాగిస్తామని వీఆర్ఏలు స్పష్టం చేశారు. ప్రభుత్వం వెంటనే స్పందించి తమ సమస్యలకు శాశ్వత పరిష్కారం చూపాలని వారు కోరారు.