సెలవుల్లో కంప్యూటర్‌ పాఠాలు

బాడంగి, సూర్య : దసరా సెలవులను సద్వినియోగం చేసుకుంటూ బాడంగి గ్రంథాలయానికి వస్తున్న విద్యార్థులకు గ్రంథాలయాధికారి ఆర్‌. దుర్గా ప్రసాద్‌ కంప్యూటర్‌ ప్రాథమిక పరిజ్ఞానాన్ని బోధిస్తున్నారు. గ్రంథాలయాల వినియోగం, లక్ష్య సాధనలో పుస్తక పఠనం ప్రాధాన్యాన్ని వివరిస్తున్నారు.
పోటీ పరీక్షలకు సిద్ధమయ్యే యువతకు అవసరమైన పుస్తకాలు, కంప్యూటర్లు, అంతర్జాల సౌకర్యం, దిన, వార పత్రికలు గ్రంథాలయంలో అందుబాటులో ఉన్నాయని తెలిపారు. విద్యార్థులు సెలవులను వృథా చేయకుండా పఠనంపై దృష్టి సారించి, నైపుణ్యాలను పెంపొందించుకోవాలని, అందుబాటులో ఉన్న వనరులను సద్వినియోగం చేసుకొని తమ లక్ష్యాలను సాధించాలని సూచించారు.

రిపోర్టర్ : శ్రీనివాసరావు, బాడంగి, విజయనగరం జిల్లా.